但同事生日, 大家都想試下其他酒樓, 所以先再比多次機會~
其實同事已經預先訂位, 但去到佢哋比咗將唔夠坐0既枱我哋,
心想「我哋一早訂咗位, 而家先知有幾多個咩, 係咪做嘢架?」~
好在佢哋有另一將大啲0既枱比我哋, 唔洗再等!
上度6樓坐低後, 當然開始點嘢食啦~
到上點心時, 我哋見到好似太多嘢食, 想查清楚有無double落單, 點知個位部長好不滿,
話係跟住我哋張點心紙落單, 一定唔會有錯 :(
我哋只係想睇清楚啫, 又無話一定係佢錯
(其實有幾樣點心都無幫我哋落單啦, 我哋都無出聲啦
)
以後我哋食剩咗啲嘢, 想打包攞走, 點知佢哋話因為環保, 所以每個盒要收$2
不過膠袋就唔洗錢任攞
Oh no, 攞盒叫唔環保, 攞膠袋就環保???
咁做乜政府要定"無膠袋日"呀??????????
我哋食剩打包就係唔想'晒'啫! 我哋唔環保咩???
佢哋真係想環保??? 定想慳錢呀??? 還是想'略'水呀???
我哋本想找經理問清楚及反應下, 點知又係之前果位部長, 態度比之前更差,
非常囂張咁講「係公司規矩, 係咁架啦!」
嘩! 火都嚟呀
講真, 呢間酒樓食物一般, 衛生麻麻, 環鏡可以, 價錢又唔係平, 服務態度仲咁差,
係咪淨係酒席先做? 茶市唔'希旱'??? 唔'希旱'就唔好開門做茶市啦
我就唔會再幫襯, 做乜仲要貼錢買爛受呀
