囍宴 甜‧艺 (已結業)

今晚去食甜品，十點到已經無咩人，入到去問你食飯定甜品，我話食甜品佢都唔理我哋話想坐窗口位，就點我哋上去上面，是但啦，佢話坐邊就坐邊。之後我哋點咩佢冇咩，話賣晒喎。最後無辨法我男友點了個唔知咩蕃薯流黄湯丸，嚟到個得三粒仔湯丸當然唔係啲咩流黃啦，入面有啲花生、糖、芝麻之類，好甜，有兩大粒好似車厘子咁大粒嘅蕃薯！連加一盛惠卄零蚊。（其實如果好食或者特別，價錢我都唔會話貴，不過佢真係太孤寒，而且唔係好特別）至於我就慘啦...我点咗個九唔答八嘅甜品，餐牌有個「榴槤漂香糯米飯$38」，有另一個叫「私房雪糕配榴槤漂香/椰汁糯米飯$48/$38」，個四眼後生waitress話平時係豆腐雪糕配，今日賣晒，我就話「我要呢個糯米飯，冇豆腐咁我要芝麻啦，同埋要榴槤，唔該」，同一個waitress攞碟嘢俾我...我一睇原來係一舊黑芝麻雪糕加一pat榴槤，我重好有礼貌咁問佢我以為應該有糯米钣...点知個四眼waitress態度極其惡劣，咩解釋都冇，口黑臉黑keep住話「係咁架喎，我地係咁，係冇糯米架喎」，我火都黎，我問佢咁点解我點糯米飯時佢唔解釋，佢竟然反白眼問我想點！？之後我話我其實係想食糯米飯，想轉返做椰汁糯