影片
更多
2007-02-23
20 瀏覽
本來吃完下午茶就應該起程返文迪家團年, 最後都係休息多一會. 雖然今年離家出走不吃團年飯, 但飯還是要吃的, 就去了沙田. 揀了一輪, 忽然記得大會堂樓上有間餐廳, 就試一次.年三十晚人人都吃中餐, 西餐廳當然係無乜人. 上都去只有我們一臺, 之後先再有兩三臺人客, 都幾靜.要了兩個晚餐.泰式豬頸肉沙律: 5分, 豬頸肉上面有太多甜酸醬, 味道一般, 沙律麻麻新鮮.忌廉湯: 6分, 味道幾好, 加上香噴噴的蒜蓉包, 不錯. 但蒜蓉包硬身了點.扒鴨胸配啤梨汁: 3分, 鴨胸太老了, 相當韌. 亦切得太厚, 係大大舊的. 啤梨汁味道怪怪, 怎吃也吃不出啤梨的味道.肉眼扒配蒜茸洋蔥汁: 6分, 這個主菜比較好. 肉眼扒煎得剛好. 當然唔係甚麼靚扒, 但口感還不錯.不過$188一客, 應該可以有更好質素的食物.意大利芝士餅: 5分, 伴碟的芒果極酸. 意大利芝士餅本身最初食落口係唔錯, 但之後先覺得忌廉過多, 質感麻麻.焗軟心朱古力布甸: 4分, 等了都幾耐先有得食. 上臺時已聽見廚師高聲叫侍應留意我們的布甸有無朱古力醬流出來. 對自己無信心? 你都無信心, 我們又點對你有信心.一打開面頭部份
年三十晚人人都吃中餐, 西餐廳當然係無乜人. 上都去只有我們一臺, 之後先再有兩三臺人客, 都幾靜.
要了兩個晚餐.
泰式豬頸肉沙律: 5分, 豬頸肉上面有太多甜酸醬, 味道一般, 沙律麻麻新鮮.
忌廉湯: 6分, 味道幾好, 加上香噴噴的蒜蓉包, 不錯. 但蒜蓉包硬身了點.
扒鴨胸配啤梨汁: 3分, 鴨胸太老了, 相當韌. 亦切得太厚, 係大大舊的. 啤梨汁味道怪怪, 怎吃也吃不出啤梨的味道.
肉眼扒配蒜茸洋蔥汁: 6分, 這個主菜比較好. 肉眼扒煎得剛好. 當然唔係甚麼靚扒, 但口感還不錯.
不過$188一客, 應該可以有更好質素的食物.
意大利芝士餅: 5分, 伴碟的芒果極酸. 意大利芝士餅本身最初食落口係唔錯, 但之後先覺得忌廉過多, 質感麻麻.
焗軟心朱古力布甸: 4分, 等了都幾耐先有得食. 上臺時已聽見廚師高聲叫侍應留意我們的布甸有無朱古力醬流出來. 對自己無信心? 你都無信心, 我們又點對你有信心.
一打開面頭部份, 果然無朱古力醬流出. 看清楚先見到入面有一大球未溶的朱古力, 金莎一樣, 焗爐唔夠熱?
還好, 侍應幫我們換過另一客. 再等十五分鐘. 出來的效果? 一樣. 依然有一大球未溶的朱古力.
外層的質感其實幾好. 焗得帶點硬, 入面的朱古力亦好香濃. 不計未溶的朱古力同廚師的態度, 味道係唔錯.
而度環境算係幾好, 但實在太黑, 基本上係唔多睇到食物. 如果你覺得黑麻麻情調會好點, 你一定覺得這裡很浪漫. 但兩個人擠在一張小臺子又怎會浪漫?
服務係一般, 不太專業, 侍應們常在自己幾個嬉笑.
食物整體來講都係麻麻同一般, 價錢偏貴, 尤其係$188一客的肉眼扒餐. 上來飲酒似乎好過上來食飯. 應該沒有下次了.
食完去買衫.
張貼
