影片
更多
2009-08-14
18 瀏覽
離哂譜架呢間野，話說尋日同女朋友諗住去Cafe食飯，本身諗住去L架，不過一入去佢問我有冇Book枱，咁我話冇啦，之後佢話:唔好意思呀，今晚Full Booking，安排唔到坐位呀。我諗：算啦，咁好生意，冇計啦。出咗門口，去咗隔離果間Can，入到去，見到地方都幾大，有幾枱客喺度食緊飯，跟住有個女職員出黎問我女職員：先生，請問有冇Book枱呀？我話：冇呀。跟住佢問：咁呀...先生你幾多位呀？我話：兩位。女職員：先生，唔好意思呀，今晚我地Full Booking冇枱呀。唉...咁算啦，既然冇位我就走啦，但同時我奇怪，Full Booking妳又問我幾多位???出到門口，見有三個女仔行入黎，問頭先果位女職員有冇位，女職員又問佢地有冇Book枱啦，果三個女仔話--冇，跟住果位女職員同其他同事傾咗幾句，之後就帶咗果三個女仔入去坐底。我心諗...咁都得?!!我擰番轉頭問我女朋友，妳聽唔聽到佢地係話--冇book枱??我女朋友話：聽到...算啦，去第二間食罷啦....。我話：唔得，我要問清楚佢，我唔想攪錯，變咗屈佢...。我走番去問果位女職員，點解三位就有位，兩位就冇位？跟住我唔知佢真聽唔明定扮聽唔明
離哂譜架呢間野，話說尋日同女朋友諗住去Cafe食飯，本身諗住去L架，不過一入去佢問我有冇Book枱，咁我話冇啦，之後佢話:唔好意思呀，今晚Full Booking，安排唔到坐位呀。我諗：算啦，咁好生意，冇計啦。出咗門口，去咗隔離果間Can，入到去，見到地方都幾大，有幾枱客喺度食緊飯，跟住有個女職員出黎問我
女職員：先生，請問有冇Book枱呀？
我話：冇呀。
跟住佢問：咁呀...先生你幾多位呀？
我話：兩位。
女職員：先生，唔好意思呀，今晚我地Full Booking冇枱呀。
唉...咁算啦，既然冇位我就走啦，但同時我奇怪，Full Booking妳又問我幾多位???出到門口，見有三個女仔行入黎，問頭先果位女職員有冇位，女職員又問佢地有冇Book枱啦，果三個女仔話--冇，跟住果位女職員同其他同事傾咗幾句，之後就帶咗果三個女仔入去坐底。我心諗...咁都得?!!我擰番轉頭問我女朋友，妳聽唔聽到佢地係話--冇book枱??我女朋友話：聽到...算啦，去第二間食罷啦....。我話：唔得，我要問清楚佢，我唔想攪錯，變咗屈佢...。
我走番去問果位女職員，點解三位就有位，兩位就冇位？跟住我唔知佢真聽唔明定扮聽唔明，我問咗三次佢都冇答我，攪到佢其他同事都行埋黎睇吓發生咩事，我再講：點解佢地三個冇Book枱會有位，我兩位入黎先反而冇位??佢到而家先答：唔好意思呀，因為果張係四人枱黎架。嘩....慶到我吖....，跟住我唔出聲行出門口去第二間食算勒。
呢間野都離哂譜既，冇腦架，唔可以四人枱分兩邊??你開得門做生意，一係你就話只係做Book枱客，一係你就話最少要三位或以上。呢間啲野好唔好食我就唔知勒，不過睇佢咁樣揀客，我都唔知佢啲服務可以點.....
張貼