影片
更多
2020-06-05
329 瀏覽
食物又差！服務又差！我同老公叫左個二人餐，原價598，本身已覺得好貴，佢比左所有二人餐6折，計埋服務費，420埋單由個湯開始 個南瓜湯好似茶餐廳既質素咁，味道唔夠之餘，南瓜湯有薑絲係咩玩法！之後黎左個沙律，松葉蟹沙律，算係最唔fail既一道，但因佢啲沙律汁連蟹肉都沾埋，蓋過哂原來應有既蟹味，淨係食到蟹既質感，有啲浪費！之後重點黎！叫左青口啤酒辣意粉同埋牛排。個意粉我知佢辣，平時我都食得意粉既辣，但佢呢個意粉超出左正常意粉應有既辣既程度，而且油落得太多，我食到呢度已經唔係好滿意。再黎埋個牛，呢個係全晚最差既野！！明明叫左五成熟，但食落口咬落去係好韌，而個味係完全無牛味，點左牛菌汁都係無味，淨係好重雪櫃陣up味，諗番起都覺得好噁心！至於佢個樣，佢剛拎上枱時，牛排個面已經好多紅色水，我預左五成熟係應該有呢啲水，但佢係未切落去，喺個面已有好多，反而切落去既時候係無既，食落口係乾爭爭，咁證明佢處理塊牛排既手法出錯！最後上既甜品一般，我好均真，有果句講果句，唔係難食，但一定唔係好味，勉勉強強。今日係星期五，我唔想比呢間野既食物質素影響自己準備週末放假既心情（其實都已經影響左），一路食呢餐飯，我一路
我同老公叫左個二人餐，原價598，本身已覺得好貴，佢比左所有二人餐6折，計埋服務費，420埋單
由個湯開始 個南瓜湯好似茶餐廳既質素咁，味道唔夠之餘，南瓜湯有薑絲係咩玩法！
之後黎左個沙律，松葉蟹沙律，算係最唔fail既一道，但因佢啲沙律汁連蟹肉都沾埋，蓋過哂原來應有既蟹味，淨係食到蟹既質感，有啲浪費！
之後重點黎！叫左青口啤酒辣意粉同埋牛排。個意粉我知佢辣，平時我都食得意粉既辣，但佢呢個意粉超出左正常意粉應有既辣既程度，而且油落得太多，我食到呢度已經唔係好滿意。
再黎埋個牛，呢個係全晚最差既野！！明明叫左五成熟，但食落口咬落去係好韌，而個味係完全無牛味，點左牛菌汁都係無味，淨係好重雪櫃陣up味，諗番起都覺得好噁心！至於佢個樣，佢剛拎上枱時，牛排個面已經好多紅色水，我預左五成熟係應該有呢啲水，但佢係未切落去，喺個面已有好多，反而切落去既時候係無既，食落口係乾爭爭，咁證明佢處理塊牛排既手法出錯！
最後上既甜品一般，我好均真，有果句講果句，唔係難食，但一定唔係好味，勉勉強強。
今日係星期五，我唔想比呢間野既食物質素影響自己準備週末放假既心情（其實都已經影響左），一路食呢餐飯，我一路好阿Q精神咁同老公講，啲薯條幾好食，杯檸茶都幾好飲。
講完食物，講服務：
1. 趕住收你隻碟，明明你未食完，但見你好似就黎食完，一直企喺你隔離等你隻碟，見你一食完，即刻搶你隻碟走，家下你間餐廳好唔碟用咩！
2. 我未見過有侍應斟水比個客係要喺個客前面隻手繞過個客食緊碟野，無視個客食緊碟上既野，再倒落杯度！
3. 有一對couple就坐喺我地隔離，佢地叫左牛排任食+每人半隻龍蝦果個套餐，個女仔勁慘，因為佢地任食個套餐係限時的，當waiter同佢講last order仲有無野加既時候，個女仔第一塊牛都仲未上菜！做任食，但驚你食窮佢，所以上得咁慢呀？
4. 有 waitress 頭髮好長既唔束起，就咁由佢好長咁披落黎，另外亦有一個手指甲勁長，gel行哂甲，餐廳無管好啲侍應衛生、儀容
咁既食物咁既質素，我都唔明點解佢夠膽標原價598，即600，而家400食到，我都覺得佢根本未達到呢個標準！如果佢係間女人街剛開張話試業中，試食價，全餐夾埋200蚊，我覺得會比較合理！我同老公平時食野都會留意下係咪黃店，但唔係黃店就大哂架！我唔洗你好高CP，但可唔可以一分錢一分貨！！！
張貼