二少廚房 (已結業)

近排有點熱氣，想飲下湯水就黎左二少廚房，愛琴坊呢度似乎無受疫情影響，午市依舊係全場爆滿好不熱鬧。本來想飲的花旗參已經售罄，那就轉海底椰吧。再加個手撕雞飯同羅漢果茶，很豐富呢，呵呵～落單後會有個呼叫器，但照片還沒拍完就響了，好快就有得食。快快找張枱坐低開餐先，除了湯壺，其餘全部係即棄餐具，雖然不環保，但方便外賣。羅漢果茶是暖的，天然甜味好好飲，正好降降火。本來想要凍的，但餐廳表示現在只有熱飲了。手撕雞飯有五款口味，是日要左奶油蒜香手撕雞泰國絲苗香米飯。雞絲上淋上香噴噴的蒜香白汁，一打開蓋已聞到蒜味了。雞絲有咬口，本身已有少少鹹味，加埋個白汁勁正，超好下飯。是日配菜是芥蘭，油鹽水淥過一點都不寡。白飯，看似細兜，原來食落個兜都好深㗎，挺多飯夠晒飽。海底椰雞湯，開蓋時超熱呀，小心手。足料靚湯！雞件，海底椰，蜜棗等一齊燉，原汁原味超濃郁，滴滴都係精華呢，好鮮味好好飲啊。家裏無湯水時的好選擇呢，湯好飲，雞飯好食，正！