影片
更多
2016-01-09
1145 瀏覽
這個冬天好像沒怎麼吃過雞煲，襯天氣仲有點涼即刻約朋友出黎食番餐先。去左旺角嘅66雞煲，貪佢地點個個都近，食完都好快返到屋企。坐低寫紙落order，店員推介左幾款野，仲講話fb like完後有野送，越多like越著數。另外亦拎左前菜黎，蕃茄仔同螺肉，等食其間攝下牙罅都好。雞煲到了，大概等左十分鐘，香噴噴熱辣辣，正呀正呀。雞件好嫩滑，有肉有骨各樣一半啦，揀左微辣所以唔算好辣，啱我地口味，帶少少麻辣幾過引。個汁幾正，我地連入面嘅洋蔥，青椒，芹菜等都食哂。食完加湯打邊爐，可揀清湯或辣湯，怕好辣我地揀左清湯，加埋雞煲嘅辣汁其實已經好濃好夠味，正。先黎個油麥菜併冬菇($40)，怕食唔哂都係叫雙併穩陣。冬菇肉厚鮮甜，菜淋甜鮮嫩。四寶餃($60)，有雲吞，白菜豬肉餃，魚皮餃同水餃。個人較喜歡白菜豬肉餃，菜肉比例均衡，皮韌但不過厚。八寶丸($100)，有墨丸，龍蝦丸，蟹籽包，牛丸，貢丸，白魚蛋，豬肉丸同蝦丸。每樣兩粒，啱哂選擇困難症嘅我地，一次過有哂咁多樣。手打墨丸爽口彈牙，黑色一粒好特別。再叫左芝心包($42)，鍾意芝士嘅我地見八寶丸無芝心包，即刻追加一碟，一般凍肉舖貨式，滆左嘅芝士勁正，要小心熱呀。
坐低寫紙落order，店員推介左幾款野，仲講話fb like完後有野送，越多like越著數。另外亦拎左前菜黎，蕃茄仔同螺肉，等食其間攝下牙罅都好。
雞煲到了，大概等左十分鐘，香噴噴熱辣辣，正呀正呀。雞件好嫩滑，有肉有骨各樣一半啦，揀左微辣所以唔算好辣，啱我地口味，帶少少麻辣幾過引。個汁幾正，我地連入面嘅洋蔥，青椒，芹菜等都食哂。
食完加湯打邊爐，可揀清湯或辣湯，怕好辣我地揀左清湯，加埋雞煲嘅辣汁其實已經好濃好夠味，正。
先黎個油麥菜併冬菇($40)，怕食唔哂都係叫雙併穩陣。冬菇肉厚鮮甜，菜淋甜鮮嫩。
四寶餃($60)，有雲吞，白菜豬肉餃，魚皮餃同水餃。個人較喜歡白菜豬肉餃，菜肉比例均衡，皮韌但不過厚。
八寶丸($100)，有墨丸，龍蝦丸，蟹籽包，牛丸，貢丸，白魚蛋，豬肉丸同蝦丸。每樣兩粒，啱哂選擇困難症嘅我地，一次過有哂咁多樣。手打墨丸爽口彈牙，黑色一粒好特別。
再叫左芝心包($42)，鍾意芝士嘅我地見八寶丸無芝心包，即刻追加一碟，一般凍肉舖貨式，滆左嘅芝士勁正，要小心熱呀。
午餐肉($40)，近來打邊爐嘅至愛之一，卓一卓食得，啖啖肉正。
西班牙黑毛豬肉腩片($108)，肥瘦各半，卓起上黎甘香美味。
手切肥牛例size($158)，睇下啲雪花幾靚，一見就知正，肥牛牛味十足，肉嫩肥美，好正。
炸響鈴($44)，又係打邊爐必食之物，吸湯一流。
百花+咸牛肉芝士釀油條($72)，追加一個小食，放入湯滾三十秒食得，咸牛肉嘅咸香加埋滆左嘅芝士好好味，百花彈牙鮮味，各有各特色。
烏冬併出前一丁($34)，最後點番個麵食埋尾，食飽飽好滿足。
朋友點嘅香蕉冰，蕉味十足。
6Luck，特飲推廣期內特價兩杯$54，等我又點返杯，由士多啤梨，蕃茄，同橙打成嘅沙冰，又香又甜。
飯後甜品，送左一粒綠茶紅豆雪米滋。三個人食飽飽，平均一人二百幾，吹左一晚水，開開心心又一day。
張貼
