Daily 13 (已結業)

依排荃灣都好多新嘢食。依間位置喺工廈入面，喺荃灣西行去都好方便小店裝修好靚，文青灰白tone ,2人坐都有卡位sofa,坐得好舒服晚餐係有set dinner 既，我地今次又再挑戰雞翼，龍蝦湯龍蝦湯有濃烈既龍蝦味，唔係一般溝罐頭嗰d,真材實料炸雞翼，炸得剛好，有肉汁，辣辣地，咬落去爆肉汁嗰下，正！十分推薦！冬陰公意粉，海鮮份量足夠，擺盤幾靚，意粉軟硬剛好豬鞍好食，同樣地，火喉剛剛好，有肉汁，煎得好香，加埋黑松露菌汁，調味剛剛好，好食薯溶係creamy 既口感，有淡淡既牛油香氣嘢飲我地叫左個金沙朱古力同lemon soda,賣相都好靚甜品就可以畫上一個完美既句號，依家加錢就可以食甜品放題，特別推薦個士多啤梨waffle 同blueberry cheesecake 依間小店環境靚，坐得舒服，食物質素不錯，適合朋友聚餐，慢慢吹水，小店仲俾左個surprise 我地，臨走送左張即影即有俾我地好貼心！