試均大部份味道，只有少部份辣度高口味放棄挑戰，店舖表明雞翼不含抗生素，而每隻亦冇出現任何泛紅，品質相當高，當中有數款味道個人很喜歡：
1. 中式海鮮醬：就係平時食片皮鴨嗰個醬，甜甜地幾好食。
2. 吉列咖哩：炸皮夠脆，咖哩汁夠濃，第一啖似食吉列豬扒，口感新穎。
3. 黑椒檸檬：黑椒味拉均酸味，食落幾特別，不過第一啖係會酸D。
4. DIY 鹹蛋黃：冇得輸口味，蛋黃夠香，又唔會太膩。
5. 水牛城醬：辣度唔高，有醬汁jam住個口幾好食。
6. 泰式甜酸醬：又係冇得輸，醬本身吸引程度，配乜都岩。
7. 蜂蜜芥末：可能之前已經食濃味醬汁，引致反而冇咩特別，甜甜地芥末唔嗆鼻。
8. 炸薯條配黑松露醬：都係任食，即叫即炸，好食到停唔到口，薯條放耐左都唔會腍，食左足足3轉。
飲品有汽水，檸檬茶需要另外收費，食物質素高、整潔衛生，店員服務有禮親切，會再次光顧。
