影片
更多
2021-03-14
2270 瀏覽
大食妹襯住開心星期五同朋友去食雞翼宴相信唔少大朋友同小朋友都好鍾意食雞翼, 大食妹同朋友今次就為大家試食Free Flow Wings 十一款口味嘅雞翼並且總結必食同中伏嘅口味, 俾大家做個參考<Thai Sweet>大食妹食完十一款雞翼後, 覺得呢款Thai Sweet最好食酸酸甜甜嘅泰式甜辣醬, 360度零死角包裹着雞翼, 外面再灑上炸蒜蓉無論係口感定味道, 都係大家鍾意嘅<Reaper>大食妹嘅第二名就係呢款Reaper鍾意芝士嘅朋友一定要試芝士碎超多, 味道鹹鹹地, 味道同Cali好似, 但芝士味更加突出但又唔會好膩<Lemon Pepper>呢款Lemon Pepper就係大食妹嘅第三名聞落去有陣好清新嘅檸檬味, 入口酸酸鹹鹹地, 味道幾特別<Mongolian BBQ>大食妹嘅第四名就係呢款Mongolian BBQ其實就係孜然味, 雞翼配上孜然粉, 食落好惹味難怪係雞翼界嘅長青款有好食嘅, 當然就有啲中伏嘅味道以下嘅味道, 大家嗌嘅時候要三思但通常有啲朋友總係鍾意以身試伏<Espresso BBQ&#
<Thai Sweet>大食妹食完十一款雞翼後, 覺得呢款Thai Sweet最好食酸酸甜甜嘅泰式甜辣醬, 360度零死角包裹着雞翼, 外面再灑上炸蒜蓉無論係口感定味道, 都係大家鍾意嘅
<Reaper>大食妹嘅第二名就係呢款Reaper鍾意芝士嘅朋友一定要試芝士碎超多, 味道鹹鹹地, 味道同Cali好似, 但芝士味更加突出但又唔會好膩
<Lemon Pepper>呢款Lemon Pepper就係大食妹嘅第三名聞落去有陣好清新嘅檸檬味, 入口酸酸鹹鹹地, 味道幾特別
<Mongolian BBQ>大食妹嘅第四名就係呢款Mongolian BBQ其實就係孜然味, 雞翼配上孜然粉, 食落好惹味難怪係雞翼界嘅長青款
有好食嘅, 當然就有啲中伏嘅味道以下嘅味道, 大家嗌嘅時候要三思但通常有啲朋友總係鍾意以身試伏
<Espresso BBQ>中伏嘅第一位毫無疑問係呢款Espresso BBQ唔好睇佢個樣正正常常, 食落去完全就係一隻比咖啡渣包裹着嘅雞翼食咗一啖完全唔想再食落去落去
<Hoisin>中伏嘅第二位就係呢款Hoisin香港黎講比較少人食海鮮醬, 但外國嘅華人料理就成日出現呢隻口味其實味道冇乜特別, 只不過呢隻雞翼係重鹹, 納含量應該勁高
<Buffalo>第三款嘅伏味就相對低好多純粹係比起一般雞翼店, 冇咁好味大食妹成日覺得水牛城雞翼好難整得難食, 食完呢一隻先至發現自己太年輕了點解水牛城雞翼嘅醬汁可以整到又唔辣, 又唔濃呢
<Iced Lemon Tea>為咗可以食更加多嘅口味, 大食妹係嘢飲方面淨係帶咗凍檸檬茶味道甜甜地, 雖然唔係好似港式檸茶, 但尚算解渴
張貼
