新記雞粥 (鴻禧大廈) (已結業)

天氣寒寒濕濕，想食碗熱辣辣的靚粥，於是跟朋友鑽了入新記！雞粥招牌喎，又點少得佢！一個沙煲原窩上，內有雞件多多舊，雞滑，咸咸香香入晒味，粥底棉，濃稠度適中，而且好有味，百吃不厭！蔥花蝦米腸粉蔥！超好味呀！平時食既蔥花腸粉，蔥花多數蒸到腍晒，無咩香味，新記呢度完全無呢個問題，吃一口，滿口青蔥香味，太神奇了！欖菜肉鬆乾扁四季豆呢個四季豆好香口，仲有欖菜同豬肉碎，這不是白飯小偷誰是？奈何餓底已有粥＆腸粉，再叫白飯就食唔晒啲野喇。蜆芥鯪魚球原來咁大粒！係長州大魚蛋既size！炸得夠乾身，無油淋淋，比個讚先！而且鯪魚味濃得嚟又彈牙，嘩，下次來新記必定encore！杏仁蛋白茶杏汁香，蛋白滑，飲完一盅成個人暖晒！P.S. 店員阿姐誠懇親切，好好服侍，特讚一個！