影片
更多
2010-06-15
23 瀏覽
好久之前Ah So介紹過,話呢度D雞扒点正法...上星期行過灣仔專登走去試,唉! Ah So又累人了!唔好講食物住,D招呼真係差,仲要個老板娘的說話真係百思莫解,話說果日係週末3:00pm,間舖得小貓三四隻,諗住走入去試下D下午茶,見到有雞扒包 連餐飲都要$27,都唔平,不過見間舖貼滿明星照,諗吓可能真係好正喎,order la!老板娘話今天冇下午茶供應,睇真D餐牌真係寫住只供應一至五又啱既!正當我地看餐牌其它選擇,老板娘忽然話:「本來今天冇下午茶架,不過如果你地想吃我可以造比你地...不過今天的下午茶餐係唔包餐飲架....你要飲嘢要另外散叫!」佢忽然咁講我O哂嘴,咁即係話下午茶個雞扒包要$27,另叫嘢飲要$12,咁下午茶 total咪要$３９元,仲乸利過食正餐?????真係百思莫解!唯有叫正餐,Ah四的榮式燒雞扒拼雞翼配豉油撈意粉 $38,首先講最簡單的豉油意粉--豉油溝水咁,弄到D意粉發水冇味,唉!連過豉油汁都無heart做!我的榮式燒雞扒拼烤豬頸肉配豉油撈意粉 $38---首先是豬頸肉一陣蘇味撲埋嚟,口感似白烚多於烤焗,佢都算整得難吃!諗住雞扒係招牌應該好D,点知塊雞扒表面相當油
唔好講食物住,D招呼真係差,仲要個老板娘的說話真係百思莫解,話說果日係週末3:00pm,間舖得小貓三四隻,諗住走入去試下D下午茶,見到有雞扒包 連餐飲都要$27,都唔平,不過見間舖貼滿明星照,諗吓可能真係好正喎,order la!老板娘話今天冇下午茶供應,睇真D餐牌真係寫住只供應一至五又啱既!
正當我地看餐牌其它選擇,老板娘忽然話:「本來今天冇下午茶架,不過如果你地想吃我可以造比你地...不過今天的下午茶餐係唔包餐飲架....你要飲嘢要另外散叫!」佢忽然咁講我O哂嘴,咁即係話下午茶個雞扒包要$27,另叫嘢飲要$12,咁下午茶 total咪要$３９元,仲乸利過食正餐?????真係百思莫解!
唯有叫正餐,Ah四的榮式燒雞扒拼雞翼配豉油撈意粉 $38,首先講最簡單的豉油意粉--豉油溝水咁,弄到D意粉發水冇味,唉!連過豉油汁都無heart做!
我的榮式燒雞扒拼烤豬頸肉配豉油撈意粉 $38---首先是豬頸肉一陣蘇味撲埋嚟,口感似白烚多於烤焗,佢都算整得難吃!
諗住雞扒係招牌應該好D,点知塊雞扒表面相當油淋,又薄身,D鷄肉又乾又鞋口,仲有塊雞皮好靱,似吃橡皮
後尾有2pair人入來,跟住另一個男老板走去招呼,仲同佢地講今天有下午茶餐供應,包埋嘢飲才$27...唔係卦?即刻質問男老板點解頭先老板娘話下午茶唔包嘢飲,但係其餘D食客有??佢開頭仲猛話我聽錯,真係火都嚟埋!後尾至話可能老板娘講錯,仲話叫我下次幫襯揾佢落單...咪搞!仲有下次?
張貼
