妖怪 (已結業)

想試呢間餐廳好耐，但一直冇機會，今次終於試到喇😆😆呢個濃厚雞白湯雞湯 – 雞腿肉套餐好豐富，有壽喜燒嘅火鍋配料，包括冬菇、金菇、豆腐、野菜等等。平時配壽喜燒湯汁就食得多，雞白湯以火鍋方式享用我都係第一次。點知比我預期中更夾，有驚喜🤩👏🏻 首先個雞白湯超級濃凋，濃得嚟又唔會漏，直頭想飲晒個湯佢🤣 雞腿肉吸收🧽晒雞湯精華，味道昇華咗一個層次，鮮味十足，口感嫩滑。另外配菜全部都好大大件，清甜掛湯😋呢度嘅炸物都唔嬉場㗎，炸蝦🍤鮮甜多肉，炸得好薄好酥脆。炸帆立貝肉質綿滑，口感爽彈，吱啲檸檬🍋汁清新中和油膩。