富盈火鍋雞煲專門店 (已結業)

以任食雞煲嚟講，呢間喺旺角都算出名🤓今次行經附近，所以擇日不如撞日，就入去試吓佢😚下面睇價錢就已經覺得好吸引🤑最貴嘅時段都係$188，又有雞煲又有韓燒😳上到去，店舖都好大吓，成層都係佢，都坐得幾闊落😆，裏面每枱都有一個韓燒爐同電磁爐，俾你同時享受兩款野，都少見餐廳咁樣整👍🏻👍🏻之後就叫番個雞煲先，之後飲品同啲食物就係出面自己拎~雞煲上枱後都要整一段時間先有得食，所以就出面拎啲小食先😋，樣樣都合乎水平，泡椒雞腳夠哂辣，辣得夠哂癮😤食到咁上下，雞煲終於都食得了，入面醬汁香濃，而且啖啖肉，唔會嚿嚿都係骨咁😆而且啲配料都有好多吓，有菇，有洋蔥，呢啲都帶到香甜既味道，唔駛幾耐就已經成煲雞食哂，不過仲未夠喉，一定要encore 多次😜食完雞煲，之後就可以韓燒&邊爐了😆😆我個人比較鍾意食韓燒，可以食多啲唔同既野，有鴨胸，雞軟骨，龍脷魚柳，枱面又有啲調味料，啲味道可以自己話事🥳唔經唔覺都已經夠哂鐘，食埋雀巢雪糕就埋單走了😘😘臨前見到原來有生日promotion，生日正日同幾個朋友嚟可以free一個人，抵呀！