新南苑私房菜火鍋鷄煲 (華僑商業中心) (已搬遷) 新店位置

天氣轉冷當然係食雞煲啦，一班姊妹約埋放工一齊去食雞煲。我地揀咗呢個海鮮火鍋放題set 首先可以揀有一個雞煲，大中小辣任君選擇。原來食完唔夠喉d雞仲可以任添，真係好抵。待應會幫手炒雞，炒得好香好入味，炒夠4次就可以食，雞肉嫩滑啖啖肉，雞汁惹味可口。老闆仲送咗每枱一人一隻大閘蟹，係期間限定架。秋風起打邊爐仲有大閘蟹食，去邊搵呀，蟹膏好香好甜，食完暖笠笠。生猛海鮮拼盤有鮑魚、蚌、蠔、帶子、蝦、同埋魚片，真係好豐富呀。海鮮好新鮮而且好彈牙。鮑魚好多肉，帶子又夠鮮甜。本地手切牛頸脊，好有肉感，牛味好濃，非常可口，食完想食多幾切，本地牛真係靚野，好好味。