影片
更多
2018-09-25
404 瀏覽
最近九月份貓頭鷹時間做緊買一送一*盛惠$278*旺角B1出口轉左行幾步就到樓梯間都係新南苑既宣傳平時仲會係網上blogger見到任食海膽、蟹膏帶子！不定時做推廣～平時都好多人影餐牌，所以我就影咗啲特別推介。例如係....蒸汽火鍋$28 一客三文魚$68 任食牛脊肉$88 任食蟹膏帶子至於價錢抵唔抵就見仁見智，始終每個人鍾意食嘅嘢都唔同，我當日就見到有人加蟹膏帶子～聽嗰日嘅員工講遲啲可能會出大閘蟹優惠～首先黎前菜，我同行兩個人都淨係食左中間，應該係帶子裙邊。呢碟前菜係要$20架前菜預計應該係酸酸地開胃，但係呢碟就出乎我意料之外，佢嘅味道好似平時韓式'葉'野咁，絕對係唔會令你開胃啲嘅。你可以揀雞煲➕清湯或者直接嗌特色湯底雞煲又炒6分鐘，起蓋後倒油炸鬼落去。帶咗個小辣雞煲，炒嘅時候啲香料都幾刺鼻。但係啲雞都好滑，味道都唔錯。你會見到有層辣油緊緊黐住啲雞，但係唔會好似平時咁成個碗都係油。 至於油炸鬼就同我想像中好唔同，同以往嘅食評我所理解嘅都唔同，油炸鬼係吸晒雞煲嘅味係好食嘅，仲會食到油炸鬼本身嘅味，但係煲完之後好硬...食完雞煲就換個湯底，佢唔係好似坊間咁直接加水，真係換咗個新嘅湯底換咗個蕃
*盛惠$278*
旺角B1出口轉左行幾步就到
樓梯間都係新南苑既宣傳
平時仲會係網上blogger見到任食海膽、蟹膏帶子！不定時做推廣～
平時都好多人影餐牌，所以我就影咗啲特別推介。例如係....蒸汽火鍋
$28 一客三文魚
$68 任食牛脊肉
$88 任食蟹膏帶子
至於價錢抵唔抵就見仁見智，始終每個人鍾意食嘅嘢都唔同，我當日就見到有人加蟹膏帶子～
聽嗰日嘅員工講遲啲可能會出大閘蟹優惠～
首先黎前菜，我同行兩個人都淨係食左中間，應該係帶子裙邊。呢碟前菜係要$20架
前菜預計應該係酸酸地開胃，但係呢碟就出乎我意料之外，佢嘅味道好似平時韓式'葉'野咁，絕對係唔會令你開胃啲嘅。
你可以揀雞煲➕清湯
或者直接嗌特色湯底
雞煲又炒6分鐘，起蓋後倒油炸鬼落去。帶咗個小辣雞煲，炒嘅時候啲香料都幾刺鼻。但係啲雞都好滑，味道都唔錯。
你會見到有層辣油緊緊黐住啲雞，但係唔會好似平時咁成個碗都係油。
至於油炸鬼就同我想像中好唔同，同以往嘅食評我所理解嘅都唔同，油炸鬼係吸晒雞煲嘅味係好食嘅，仲會食到油炸鬼本身嘅味，但係煲完之後好硬...
食完雞煲就換個湯底，佢唔係好似坊間咁直接加水，真係換咗個新嘅湯底
換咗個蕃茄薯仔湯個湯底好甜，成程最鍾意就係個湯底
一次過上埋海鮮拼盤同丸
鮑魚好細隻下，另外加要$28一隻。呢盆剩係得蝦可以任食，對比出邊好多海鮮可以任食，佢啲海鮮又細細隻，正價來講係偏貴～
但係貓頭鷹時段就好抵食
佢嘅海鮮係新鮮爽口都有自己本身嘅鮮味
丸類接近無食過，試咗佢最出名嘅小籠包，味道不錯，入面好多湯汁
期間食咗一粒芝士丸，有變壞嘅感覺，因為佢入面酸左，亦有可能自己攤得太耐先食既問題
牛肉質素都屬於中等，好多牛味，但係就未好到話有入口即溶既感覺
個人太鍾意食蝦，加上佢大部份都係爽口！
最後甜品有分咩時段入去就送咩
九點半後送奶凍
我個人好鐘意食甜品，但係呢個奶凍我覺得好似有層芥末嘅味道
我覺得一般，但係我對面個位就好鍾意食
最後結帳，買一送一優惠真係好抵，食物質素比起平時二百蚊嘅都係抵好多，例如大x口 個類都要$170左右
Ps . 呢度服務好好，員工超有禮貌，連我自己做飲食業都唔知點解佢地可以咁有耐性，咁有心機去對待每一位客人！！俾著係我忙嘅時候、收唔到工就一早黑左面🙈
張貼
