新南苑私房菜火鍋鷄煲 (海德中心) (已結業)

冬天食火煲雞煲，夏天食火鍋雞煲。日日都可以食火鍋雞煲。男朋友好鐘意打邊爐，我好鐘意食雞煲，今日訂位去左一間滿足到我地兩個口味的餐廳：「新南苑」。雞煲先食，雞肉極是香嫩肉汁非常豐富，雞件份量好多。醬汁加入大量香料，炒得極是香口惹味，雞肉吸引醬汁精華，每件都咸香濃郁。雞煲味道的確驚喜。之後到火鍋環節，湯底非常足料豐富，加入可愛卡通人物造型的南瓜，令人賞心悅目。牛肉必點，入口極是香嫩，牛味十足入口軟腍。炸響鈴是我最愛，香脆響鈴吸收湯底精華。另外海鮮拼盤更是吸引無比，新鮮鮮甜而且份量足！