陸陸雞煲火鍋 (已結業)

約一班人食飯好鐘意係食雞煲大家一齊打邊爐又爭下雞煲食既感覺好熱鬧店員推薦我地叫呢個雞煲海鮮套餐除左可以食到雞煲之外一個價錢就可以又打邊爐又食海鮮雞煲既份量都幾大而且店員會主動幫我地計好時間食感覺唔錯當食完雞煲之後就會換煲打邊爐既湯底係龍蝦湯真係鮮甜可以當湯咁飲海鮮拼盤有鮑魚, 帶子, 蚌, 蠔, 蟶子, 蝦, 魚片同蟹仲有肥牛肉丸個D, 真係多到食唔哂咁所有食材都好精緻, 完全唔係放題任食個D料蟶子係真係好鮮甜既!! 成個海鮮拼盤既質素係高過我既想像最後仲有冰西瓜食可能係夏天先有既解暑生果!!