八妹雞煲

營業中

休息中

今日朋友話想食雞煲，我地近近地落大埔食八妹雞煲食下飯聚下舊，由太和火車站行過去只需5-8分鐘。餐廳裝潢懷舊，有好多懷舊裝飾，懷舊招牌，懷舊霓虹燈，懷舊戲院，設計有心思我地點左半隻秘製雞煲，一落完單，雞煲好快黎到，唔駛再煮就食到，雞既鮮味好濃郁，除左雞件，其實入面既洋蔥都好好味，雞煲唔辣，一樣咁香咁惹味食完雞煲加清湯就可以打邊爐叫了幾款配料，有魚皮餃、鮮蝦雲吞、金妹脆皮芝士腸、山根、午餐肉，鴛鴦滑，鴛鴦滑有蝦滑和墨魚滑，好大球、好爽口彈牙，而且仲食到粒粒墨魚肉。打邊爐一定必食A級安格斯肥牛，肥牛油花均勻，肉質鮮嫩而不油膩以到既飲品比較大杯，食完全程都未飲得晒，都係$32，好抵飲