雅苑餐廳 (豐利中心)

營業中

休息中

舊同事相約有事傾談，約咗去觀塘雅苑餐廳 ，餐廳位於工業區，裝潢簡潔，主打雞煲和港式茶餐廳。胡椒豬肚雞煲：上枱打開蓋即刻聞到好香既胡椒味 ，奶白色的湯底有胡椒香濃味，但不蓋過本身湯味道，雞亦好新鮮，雞味濃、皮薄又夠滑，豬肚都好爽口，重有枝竹吸收湯的精華，又香又好味！食完雞煲就加湯打邊爐，火鍋配料都有不少選，而且重好新鮮。黑豚豬肉：豬脂肪分配均勻，食落帶有穀物的香甜味，無一般豬肉腥味。 肉質细致柔嫩。脆肉鯇魚片：脆肉鯇肉質結實、爽脆，肉味清香可口。蟹籽蝦滑：蝦滑味道特別鮮濃又彈牙。 加上蟹籽嘅點綴， 令口感更多層次，更添口感和鮮味。魚片頭魚味較出，爽口彈牙。雲吞：雲吞皮厚薄均勻，很滑溜，餡料的蝦和豬肉的比例啱啱好，入口腴盈，餡料鮮味爽滑。