樂湯雞麵館 (庇利金街) (裝修中)

自從去過太子嘅樂湯雞麵館一次之後，就愛上了。如果有時想飲雞湯，就會自然想起呢間分店，但係太子嘅分店唔係太就腳唔係成日有機會去到。有一日去佐敦同朋友食糖水，就發現原來竟然開咗分店，呢間分店仲要非常方便，食品選擇同舊店又完全一樣。之後經過佐敦，bookmark左呢間分店記得就來了。今次叫咗花膠雲吞雞湯一大碗，四個人分，花膠同全隻雞四個人都食唔晒。最正係佢個湯依舊熱辣辣送刀削麵同米粉一流。佢仲有一個叫做鮑參翅肚餐，有一份醉雞，有份鮑魚海參，仲有個飯，咁多嘢食都係$200到。最重要係服務幾好，員工不多，客人就多到七彩，但係你都感受到呢間野嘅服務水準。整體感覺比起太子嘅分店更加之好，絕對值得推介。唯一唔好嘅就係飲品選擇不多，不喜歡飲汽水嘅我因為當晚豆漿已經售罄，所以冇乜選擇。