一碗肉燥 (喜薈)

營業中

休息中

長沙灣近兩年自大四喜入伙變化不小。是晚一個人經過見元州街、興華街交界的餐廳裝修醒目，貪方便就走咗入去試試味道。餐廳主打台式肉燥飯，所以座底唔洗諗就落肉燥飯套餐；點選原味肉燥 加 招牌菜 好吃鹽酥雞排。隨餐端上海苔、梅子 及 七味粉 三款味粉供灑上雞扒，鹽酥雞排好厚好大塊，加上肉燥、半隻滷雞蛋及伴菜己經將飯完全覆蓋，感覺超豐富。炸雞皮脆肉軟加上七味粉提昇惹味；再加醬香肉燥拌飯，趴下趴下轉個眼就成碗飯食曬。剛開始用餐時見餸菜份量都唔少，仲要係肉燥醬加炸鹽酥雞都有啲驚會唔會好鹹，但係由第一啖到最後一口都無問題就連少少口渴都無。不過如果可以平返十元八元就更加好。