蕃茄濃湯專門店 (已結業)

蕃茄湯唔係度度都整得好食，但呢間新開小店叫蕃茄濃湯專門店，即刻吸引左我去試試🤤睇睇menu，都幾多選擇，唔係得蕃茄湯吸引，不過一心諗住黎食蕃茄湯，所以都係叫左西蘭花蕃茄湯配香煎雞扒($58)同另一個係滑蛋番茄濃湯 。果然，湯底好濃郁，幾足料入味，最大驚喜係個雞扒，表皮煎到金黃色，超香脆，一睇個樣就知好食😋，咬落去都幾juicy，調味都啱啱好。另外仲叫左個芝士磨菇釀雞翼就有少少失望，可能係唔啱我哋口味，不過外皮係煎得香脆，調味都唔錯。