榮式燒雞扒

同媽咪見經開北角見到..又咁岩肚餓就入去呢間試下..
叫左榮式雞扒豆腐飯&雞同鴨講飯..叫左杯凍奶茶同熱奶茶!

先講我食個個榮式雞扒豆腐飯..飯既份量超級多..
雞扒其實味道都唔錯而且雞肉好滑..但豆腐好似唔太夠脆..
杯凍奶茶其實我叫左少冰..但好似都仲係好多冰!

榮式雞扒豆腐飯

至於雞同鴨講飯..我媽咪覺得好一般..雖然雞扒的確幾入味但鴨肉唔夠熱!
而且佢杯熱奶茶都唔夠熱..可能係午市比較多人..有D趕住出單既感覺!

雞同鴨講飯

而個環境就真係麻麻..唔算好坐亦唔夠乾淨!
但價錢都幾抵..$46一個套餐仲要跟埋一杯凍熱飲!