小王牛肉麵 (已結業)

鑽石山廣場係一個好好既商場，因為不用消費都會有三小時免費泊車優惠，所以一到假期停車場一定會好快爆滿，去開呢度泊車就順便係度食埋野喇。行左無耐就決定幫襯小王牛肉麵，叫左鹽酥雞扒飯，台式肉燥滷蛋飯。飯類黎講價錢貴了少少，小食就算正常價。餐廳收費有 D 奇怪，台式肉燥飯收 41 蚊，而台式肉燥滷蛋飯收 51 蚊，即係多隻蛋收多你 10 蚊。台式肉燥滷蛋飯味道同外面差不多，無話特別好食，不過 D 青瓜就整得幾爽口幾好食。而鹽酥雞扒飯貴相就一般般，不過雞扒出奇地炸得脆口之剩，內裹重有好多肉汁，未有炸到太乾身既情況出現抵讚。