亞州家族 (已結業)

約了老婆行街,到開飯時間老婆話想試吓亞州家族,因為睇食評話佢好野,仲係正中南亞野咁話,於是乎便走去試試,見牆壁上掛著很多証書,又文華酒店大廚咁話,真係令我期待.先來兩碗暖湯,講真如果真正海南雞飯d湯係暖先叫正宗,咁我都會接受但係唔欣賞,如果唔係的話咁這兩碗湯便真係很沒有誠意了,跟著例牌的海南雞,份量很少,只等於其他地方的一人份量海南雞飯set再多兩舊,油飯要另外叫, 食落ok, 但如果這間係街頭餐館的三,四十蚊套餐,咁嘅質素可以說是有水準,但以咁嘅價錢,五星廚的話,只可以說是普普通通,肉骨茶又係普普通通,份量極少. 其他野都係普普通通,如以五星大廚的標準來說就變為唔及格.結論:以相同銀碼來算,出便大把野好食,唔會再去!