敏華冰廳 (已結業)

今日同朋友去行銅鑼灣，去左食敏華冰室，因為佢話突然好想食叉燒飯。餐廳雖然唔係位置大街，但係招牌明顯，所以都叫易揾。入到餐廳好快有位，可能都仲早啦，我朋友就好快諗到食咩，返而我就諗左好耐，諗緊到底食免治牛肉飯好定係雜扒飯，又或者叉燒飯好，因為始終叉燒飯都係招牌菜，不過我最後都係揀左雜扒飯，下次先再試叉燒飯。雜扒餐跟飲品60蚊，係銅鑼灣嚟講唔算貴，我揀左奶茶飲。敏華的奶茶就比較多奶，所以奶味重過茶味，雖然我個人比較鍾意茶味濃啲，但都不過不失。雜扒餐真係好大份，有豬扒、雞扒、餐肉同腸仔，仲要跟超大碗飯，配埋薑蓉比人可點可唔點，我本身好鍾意薑蓉，不過就真係超邪惡啦，但當中最值得一提的就係豬扒，正時食豬扒最驚就係乾晒，好似食擦膠咁(雖然我未食過擦膠)，不過敏華的豬扒可能厚切關係，豬扒不會乾爭爭，而且好有豬味，仲好彈口，真係好正。