影片
更多
2015-10-23
459 瀏覽
前幾日黎食左切雞髀叉燒飯跟杏汁燉白肺湯超好味，滿分！食過翻尋味，今晚再黎。有得獎新菜式喎，紫淮山胡椒湯魚肚雞煲，但一支公獨獨督食個燒味飯算啦。兩次想去福建睇跌打都收六點，又睇唔到膊頭喇！唯有食個飯跟住落吧飲野啦。無雙髀飯叫？您唔係講笑麻？請問依位大陸阿姐您食過雙髀飯未呢？邊個教您咁計？勁搞笑，叫我 order 兩碟髀飯，其中一碟走飯！$76 + $70 = $146！咁我食叉雞飯，係咪要叫一碟叉燒飯再加一碟雞飯，其中一碟走飯呢？我真係無您咁好氣，求其比碟燒肉鵝髀飯我啦！唔洗叫兩碟飯麻？記得有次去澳門茶餐廳我個白飯要炒底，個大陸阿姐要加我一碟蛋炒飯錢 $25 蚊，您地強國人係好野既，輸晒！燒肉鵝髀飯，燒肉好好味，大飯店水準，肉香軟棉勁肉汁，咸香留係齒縫舌頭間打轉，加燒味甜豉油撈飯一齊食絕對停不了口！不過皮唔夠脆有點韌。鵝髀皮香肉嫩，肉質細緻纖幼，嫩不留口，非鴨肉可媲美！醃料味道豐富入味，醒胃而不濁。薄薄微脆鵝皮配上酸梅醬可去油膩，美味到頂峰！不過伴碟凍菜芯有點失敗，質感粗糙，不嫩不甜。白灼唐生菜，真係十分白灼吓，清水灼。食落葉片都幾厚，老帶韌，不太爽嫩，免強合格。木瓜雪耳燉豬𦟌湯，唔見有
前幾日黎食左切雞髀叉燒飯跟杏汁燉白肺湯超好味，滿分！食過翻尋味，今晚再黎。有得獎新菜式喎，紫淮山胡椒湯魚肚雞煲，但一支公獨獨督食個燒味飯算啦。兩次想去福建睇跌打都收六點，又睇唔到膊頭喇！唯有食個飯跟住落吧飲野啦。
無雙髀飯叫？您唔係講笑麻？請問依位大陸阿姐您食過雙髀飯未呢？邊個教您咁計？勁搞笑，叫我 order 兩碟髀飯，其中一碟走飯！$76 + $70 = $146！咁我食叉雞飯，係咪要叫一碟叉燒飯再加一碟雞飯，其中一碟走飯呢？我真係無您咁好氣，求其比碟燒肉鵝髀飯我啦！唔洗叫兩碟飯麻？記得有次去澳門茶餐廳我個白飯要炒底，個大陸阿姐要加我一碟蛋炒飯錢 $25 蚊，您地強國人係好野既，輸晒！
燒肉鵝髀飯，燒肉好好味，大飯店水準，肉香軟棉勁肉汁，咸香留係齒縫舌頭間打轉，加燒味甜豉油撈飯一齊食絕對停不了口！不過皮唔夠脆有點韌。鵝髀皮香肉嫩，肉質細緻纖幼，嫩不留口，非鴨肉可媲美！醃料味道豐富入味，醒胃而不濁。薄薄微脆鵝皮配上酸梅醬可去油膩，美味到頂峰！不過伴碟凍菜芯有點失敗，質感粗糙，不嫩不甜。
白灼唐生菜，真係十分白灼吓，清水灼。食落葉片都幾厚，老帶韌，不太爽嫩，免強合格。
木瓜雪耳燉豬𦟌湯，唔見有雪耳，燉到溶晒？熟木瓜太甜，一向唔喜歡，但今晚只得一款燉湯提供，唯有照飲啦。原盅熱辣辣送，一開香噴噴，感受得到的火侯。湯汁濃稠帶膠口，味道香濃兼肉味突出，好好飲。瘦肉好腍好味又鮮甜，食材高質，整體味道 good，但對我而言就偏甜左少少。
三寶飯，燒肉叉燒油雞飯。order 之前都心裡有數，併得越多、質量越差，因為早有經驗麻，諗住比多次機會佢。開估喇，還好可以接受﹗半肥瘦叉燒，軟棉又香口，好食 ﹗脆皮燒肉，都滿意，皮脆肉嫩仲帶點肉汁添，咸香跟甜豉油非常配合，撈飯無得輸。油雞，比雞胸我失望，質地好腍及無渣，淡淡雞味添上豉油清香，合格。總比以前食過既八寶飯好，八寶飯每樣兩三片，真係頭頭尾尾，驚鬼死！
瑞士汁安格斯牛柳絲炒河，比其他餐廳比較稍為特別既菜色，另類乾炒牛河。味道尚算滿意，一向對瑞士汁麻麻的我。河粉係我最鍾意既闊度，夠幼可以帶更多汁液、夠幼口感更滑、可以極速啜入口更有快感！整體不過不失既，瑞士汁沾滿每一條河粉，均勻度合格啦。鑊氣有點欠棒，瑞士汁始終偏甜，食落有點膩，好快滯。牛柳絲牛味濃，質地有咬口，河粉卷住同吃都唔錯。
張貼
