影片
更多
2011-08-29
29 瀏覽
小弟平時都係靠openrice搵好野食，一向都唔會作出評論，但係今次真係忍唔住要獻出我既第一次…以免有更多人受害…話說上星期同女朋友係銅鑼灣行街街，夜晚心血來潮想打下邊爐，但係又唔想去酒樓，慣例openrice。見到依間銅鑼灣牛陣好似備受好評，一於試試佢。點知#%@#xx@…一去到唔算太多人，拎咗飛先算，派飛個姐姐本來已經唔知因咩黑口黑面，好似黎拎飛係搶佢錢咁，諗住問下要等幾耐先，換黎既係佢勁唔耐煩既答案：下張xx號，你個張係xx，自己數下啦！！（因為太嬲，已經唔記得幾多號…)喂大佬，你唔想做既咪唔好做囉，關我地依啲客人咩事？？？嗌飛又細聲又求其（你唔dup低個頭嗌？我心諗）…搞到我miss咗張枱，過咗兩張飛我先察覺到自己張飛原來已經嗌咗，立即上前攞枱。一入坐，立即有個侍應過黎問我地使唔使落單，由於係第一次去，都唔知點叫好，問佢點落單，佢話：「吓？揀湯先囉！」咁我都知…打邊爐唔揀湯唔通揀餸咩…咁我再問：「咁有咩湯？」佢：「menu個幾隻，同海報上面個幾隻…」嘩真係唔該晒你呀伙計，我再問你真係覺得嘥氣…最後由女朋友發扳叫咗個日式和牛火鍋套餐。跟住即刻出去拎配料，選擇唔算多，但品質尚算ok
話說上星期同女朋友係銅鑼灣行街街，夜晚心血來潮想打下邊爐，但係又唔想去酒樓，慣例openrice。見到依間銅鑼灣牛陣好似備受好評，一於試試佢。
點知#%@#xx@…
一去到唔算太多人，拎咗飛先算，派飛個姐姐本來已經唔知因咩黑口黑面，好似黎拎飛係搶佢錢咁，諗住問下要等幾耐先，換黎既係佢勁唔耐煩既答案：下張xx號，你個張係xx，自己數下啦！！（因為太嬲，已經唔記得幾多號…)喂大佬，你唔想做既咪唔好做囉，關我地依啲客人咩事？？？嗌飛又細聲又求其（你唔dup低個頭嗌？我心諗）…搞到我miss咗張枱，過咗兩張飛我先察覺到自己張飛原來已經嗌咗，立即上前攞枱。
一入坐，立即有個侍應過黎問我地使唔使落單，由於係第一次去，都唔知點叫好，問佢點落單，佢話：「吓？揀湯先囉！」咁我都知…打邊爐唔揀湯唔通揀餸咩…咁我再問：「咁有咩湯？」佢：「menu個幾隻，同海報上面個幾隻…」嘩真係唔該晒你呀伙計，我再問你真係覺得嘥氣…最後由女朋友發扳叫咗個日式和牛火鍋套餐。跟住即刻出去拎配料，選擇唔算多，但品質尚算ok，金菇冬菇龍利柳芝士腸冬瓜南瓜京蔥烏冬芽菜生菜旺菜…等等，唔係太記得晒，菇類菜類都幾新鮮，龍利柳大細適中，熟得黎唔會太老，如果太大件要熟晒就唔好食。其他都叫不過不失…
同女朋友拎好晒配料，返埋抬大大話話都十分鐘，火鍋套餐既主角竟然仲未到，個湯就到咗，但係未開爐囉…咁同燒野食比炭你但係冇火起爐有乜分別？？？兩個人禁極都開唔到，即刻搵個侍應過黎開…點知隻手點fing都冇人理，啲人一係掛住傾計，一係係度雲遊太虛…最終要等碟牛肉豬肉送到先捉住個伙計幫我開爐。咁樣搞一搞，90分鐘已經冇咗20…立即咩都唔理，食野先！主角牛肉厚薄適中，淥3-5秒，啱啱好，牛肉味夠，有咬口得黎亦十分嫩滑！好味！！豬肉有豬柳同豬肋一碟上，豬柳都算滑，淥耐咗都唔會鞋，抵讚！豬肋含有較多脂肪，夠香滑但唔肥「利」出乎意外既味道，有驚喜。可惜，加牛加豬速度效率其低，食完一碟之後想再加，足足等咗十五分鐘…建議第一輪一到可以order定第二輪，其間催咗兩次，第一次既答案：「唔好意思，幫你跟跟」第二次：「等等好冇呀先生？師傅已經整梗，我地都想快呀！」話口未完，牛肉到，不過個侍應雖然見到我成枱碟，但係佢咩都冇收就咁疊上黎，咩都冇講就行咗去…好，你贏！！
時間關係，我地只係食咗牛肉豬肉各兩碟。
到最尾準時十五分鐘佢地就截單，其實個時已經冇哂心情，不過女朋友仔話想食雪糕，咁我就梗係出去畢啦，排條隊都五分鐘，一埋到去，係就係haagen-dazs，味道無得挑剔！但淨係得返雲厘拿同士多啤梨，同個應該係經理既女人講叫佢refill，佢話好。咁我再等一陣，依然見到啲員工唔係傾計就遊雲，完全冇想換既跡象…咁就唔好話任食啦…最後我都係放棄！好彩都仲拎到四球兩隻味返去交差。
一返到去坐低就即刻有人埋黎趕我地走，已經唔想再同佢地講野，只係叫佢比多五分鐘我食埋個雪糕，點知佢都要補多句：「咁你地快啲食，五分鐘後麻煩準時離座！」
我徹徹底底咁投降…
其他野又唔見咁有效率…埋單趕人走就最高效率！！！可能因為我地叫咗飲品，所以佢地由頭到尾都冇比過茶我地，唔知加茶快唔快，但湯就係叫兩三次先會有人加。
總結：食物同環境真係唔差！！
牛肉豬肉好好味，配料都新鮮！
甜品都好正！！
但係我叫個餐加埋一成三百蚊一位，食物係好味！但服務…我屋企樓下大排檔都比依間野好！如果各位係鍾意貼錢買難受既話，咁依間銅鑼灣牛陣一定係最佳選擇！！！
張貼