影片
更多
2017-11-01
5812 瀏覽
📌三鮮小編覺得佢呢個湯底有少少藥材味，不過好彩就唔算好重。而呢一個湯底攞嚟「六」海鮮都唔錯架，因為佢呢個湯底唔算重味所以隱約都仲可以食到有少少海鮮嘅鮮甜。而且攞呢「六」蔬菜一樣都咁正。📌蕃茄小編呢啲唔鍾意食蕃茄嘅人都超級鍾意呢個湯底啊，一開始嘅時候湯底唔會話好酸但係都有好重嘅蕃茄味攞嚟「六」肉類就一流啦，係咁以勺一勺已經好入味。不過大概個半鐘之後湯底就會變得好酸，就唔係太啱小編口味啦！如果唔識得酸嘅話可以一開始嘅時候就攞起晒裏面啲蕃茄，應該會好好多嘅～📌撈麵（左上）講真其實呢個撈麵真係睇佢表演拉架姐，味道可以堪稱係超級難食，入口嘅口感亦都好奇怪，好似面糊咁。📌撈派蝦滑（右上）估唔到佢哋蝦滑又真係幾好食下，同平時食開嘅有少少唔同，呢個屬於比較彈牙少少。小編都食到有少少想encore😂📌日本和牛（左下）雖然佢叫做和牛，但係小編又唔係好覺得同平時食開嘅肥牛有好大分別，所以抵唔抵食就真係見仁見智啦，呢一個和牛小編覺得真係可有可無，叫下其他肉類試好過。📌生蠔（右下）首先佢哋嘅生蠔真係超級大隻，而且好夠腥，所以用兩隻湯底去「六」都好好食📌海鮮組合A（圖3）小編覺得呢一個海鮮組合絕對係叫得過，裏面啲
📌三鮮小編覺得佢呢個湯底有少少藥材味，不過好彩就唔算好重。而呢一個湯底攞嚟「六」海鮮都唔錯架，因為佢呢個湯底唔算重味所以隱約都仲可以食到有少少海鮮嘅鮮甜。而且攞呢「六」蔬菜一樣都咁正。
📌蕃茄
小編呢啲唔鍾意食蕃茄嘅人都超級鍾意呢個湯底啊，一開始嘅時候湯底唔會話好酸但係都有好重嘅蕃茄味攞嚟「六」肉類就一流啦，係咁以勺一勺已經好入味。不過大概個半鐘之後湯底就會變得好酸，就唔係太啱小編口味啦！如果唔識得酸嘅話可以一開始嘅時候就攞起晒裏面啲蕃茄，應該會好好多嘅～
📌撈麵（左上）
講真其實呢個撈麵真係睇佢表演拉架姐，味道可以堪稱係超級難食，入口嘅口感亦都好奇怪，好似面糊咁。
📌撈派蝦滑（右上）
估唔到佢哋蝦滑又真係幾好食下，同平時食開嘅有少少唔同，呢個屬於比較彈牙少少。小編都食到有少少想encore😂
📌日本和牛（左下）
雖然佢叫做和牛，但係小編又唔係好覺得同平時食開嘅肥牛有好大分別，所以抵唔抵食就真係見仁見智啦，呢一個和牛小編覺得真係可有可無，叫下其他肉類試好過。
📌生蠔（右下）
首先佢哋嘅生蠔真係超級大隻，而且好夠腥，所以用兩隻湯底去「六」都好好食
📌海鮮組合A（圖3）
小編覺得呢一個海鮮組合絕對係叫得過，裏面啲海鮮其實都幾好食下，而且咁樣叫就可以試得多款少少啦！佢條魚搬出黎嗰陣仲識得郁架，真係新鮮到爆炸，而魚肉方面入口都幾鮮甜下，不過小編唔好彩食到有魚鱗🤦🏻♀️裏面嘅蝦都唔錯架，蝦嘅size都幾大隻下，而且仲帶有少少甜味，重點係有人幫你剝蝦殼啊！扇貝方面就唔多作介紹啦！不過佢上面嗰三隻鮑魚就真係幾失望下入口都比較韌少少，但其實原本呢個組合係冇鮑魚架，原本應該係蟹至啱不過佢嗰日咁岩冇晒。
📌牛脊髓（上）
📌冬瓜（下）
📌白蘿蔔（中）
📌調味料
雖然佢哋嘅調味料真係有好多花款，但係小編覺得呢一個加唔加都冇乜大分別，因為本身佢哋嘅湯底都好重味，所以啲嘢都可以好快就好入味。當然若果你係叫清水就除外啦！
PS：最後附上一張小編排咗兩個鐘嘅gel甲相😂
張貼
