啤啤Bear韓國包車 (已結業)

Y2K風格嘅炫目裝修，配上KPOP音樂，玩味十足。泡菜炒飯酸辣醒胃嘅泡菜炒飯，上面舖埋煎蛋同大量紫菜碎，簡單又惹味。黑松露芝士炸醬拉麵 配 煎蛋炸醬拉麵冇坊間嘅咁甜，撈埋超濃郁嘅芝士醬同黑松露，好邪惡、有驚喜。White 炸雞 配 脆脆薯格份量都幾多，White 炸雞即係洋蔥酸忌廉醬炸雞，雞件炸得啱啱好，外脆內嫩，同洋蔥酸忌廉醬好夾好夠味；脆脆薯格亦都炸得香脆，而且本身嘅調味都夠，唔使額外點醬都好好食。BBB刨冰啤酒 – 荔枝味見到都幾多人點，個賣相好過癮，貫徹呢度嘅玩味作風；飲落夠曬冰凍，而且有陣香甜荔皮味，非常推薦要點呢款刨冰啤酒！