INN - I’m Not Nothing (已結業)

今日嚟九展見客，網上見到呢間西餐廳，特意精心挑選試一試。一入嚟就俾佢雅緻裝修所吸引，英國歐陸風格，配以吊燈及油畫，桌椅都以白色為主調，簡潔配置，而且周遭環境非常寧靜，俾人好舒服嘅感覺，好適合約朋友嚟敍舊。我地兩個人就叫左3個菜，個個賣相都相當吸引！保雲酥紐西蘭羊鞍配黑松露野菌飯球（必食）🌟🌟🌟⭐⭐：我地叫左7成熟，羊鞍好軟滑，唔會過火，食落唔騷，點埋特色醬汁，正呀。配以小蕃茄，椰菜，小蘿蔔，蒜頭，露筍，當然仲有黑松露野菌飯球啦！飯球外面輕炸脆，非常香口，但裡面飯又軟綿，口感一流，再加上黑松露，十分惹味，頗有特色。所以，如果嚟幫襯，我建議試呢個。芝士波士頓龍蝦配意式茄醬意大利飯：🌟⭐⭐⭐半隻龍蝦開邊芝士焗，配以意大利飯，賣相加分。提一下，我個人好鐘意點敍配菜，紫紅小葉，加埋飯一齊食，好好味。（但我忘記問侍應，葉子叫什麼，所以唔知這種葉名稱，唔好意思）巴拿馬火腿密瓜配櫻桃柚子醋羽衣沙律：⭐⭐⭐一聽個名，就知有咩配料。柚子醋，甜甜地，好特色。結論：環境一流，三五知己靜靜地閒聊，又可以多個地點選擇啦！