名館 (希慎廣場) (已結業)

好開心呀！放工我個麻雀友同事車我來銅鑼灣，請我食飯慶祝佢贏馬仔喎✌🏻✌🏻✌🏻🤩🤩🤩🤩🤩話報答我平時成日幫佢喎。有飯食仲要有人接送緊係去啦！原來佢做哂 research 呢到有咩最出名就 order 同我分享😍， 冷盤先來個貓耳朵，小小辣有帶點醋幾醒胃，再來個五香牛展，滷水味剛好牛展軟腍。再來叫左酸菜魚☺️份量幾大足夠4人食，我地兩人都係重口味的人，所以好 buy 呢個，辣椒泡椒酸菜味道好出，成鍋食材吸哂味， 令人回味，雖然越食越辣，但飲返罐汽水冇事。佢知我喜歡食蔬菜都幫我點選左一份竹笙紅茄泡勝瓜，食完咁重味要清一清爽一爽先。知道呢到點心精美所以都叫左客太極馬拉糕，賣相一流，味道亦幾好，唔會太甜。最後😍😍佢竟然話我成日同佢打麻雀時食十三么好串咁，今次佢要型比我睇叫十三么來食喎，我開頭唔明佢講咩，原來係講呢到甜品， 麻雀做甜品幾有特色，但太多件食唔哂，最後打包了 🤣