鶴崎居酒屋 (已結業)

觀塘平時人來人往，但估唔到依棟甲級寫字樓內有間有特色又舒服既日本居酒屋，仲要啲野食唔錯又唔貴👍🏻我地點左個七味墨魚嘴 做前菜，貪佢爽脆彈牙，加左七味粉做調味，少少辣，咬開裡面仲好juicy👍🏻花魚一夜干，成日見到日本超市都想買黎試，但都係想，見到依度現成有得食，即叫！價錢仲要同超市見到差唔多～魚肉嫩，充滿著海洋既味道，你可以將旁邊既蘿蔔蓉加入柚子鼓油，會有另一番風味🐟黎到居酒屋當然唔少得串燒，我地點左幾款：青椒仔串燒好強勁既青椒香味，微微微辣，加上鰹魚粉和鹽調味，yummy~露荀豬肉卷串燒豬肉燒後既油香陣陣浸出香味、露荀既爽口又中和返豬肉卷🥰京蔥雞肉串燒 佢每件雞都帶有雞皮，所以燒後既雞肉仍然保持嫩嫩既肉質既同時又食到香脆既雞皮，師傅係做菜時有心機之餘也有技巧👍🏻京蔥係燒既時候吸收咗雞浸出嚟既油，所以好香。12月中既今日突然打風，天氣開始凍，叫返個雪場蟹雜炊好岩暖身～蟹肉嫩而且和湯底既味道結合好入味；而且師傅將隻蟹切得很好，令人食得好方便😁湯底我估用左鰹魚煲，但又有啲好熟悉既味道，總知就好味啦😋黎到居酒屋，老公當然唔少得叫返杯日本啤酒啦～🍺