IS Café (已結業)

 為左幫媽咪慶生,我同細佬決定請媽咪嗲吔去酒店食自助餐,細佬就負責搵酒店而我就負責俾錢!到左當日,我問細佬訂左邊間酒店,佢話L'HOTEL,開頭還以為係觀塘果間,到後尾先知原來係黃竹坑!     我地一家大約6點左右到餐廳,電梯門一開我就比甜品櫃吸引住,大約有二十款左右,當中有我最愛豆腐花同朱古力慕士蛋糕,所以未食任何嘢就先食甜品,當中值得推介有朱古力慕士蛋糕同日式芝士蛋糕!! 朱古力慕士蛋糕不會太甜而且佢地用細杯仔出份量剛剛好唔會話太過膩! 芝士蛋糕方面,當我準備放入口時,已經聞到濃郁既芝士味,正!!其他甜品亦都好有水準!    之後我就進攻我既第二最愛刺身同壽司.刺身佢地都有幾多選擇,例如希靈魚,生蝦,三文魚等等!壽司方面,我就覺得麻麻可能係佢地D醋飯落得唔夠多醋,如果落多少少相信效果會好好多!!    之後比我發現有煙豬肶同燒肋骨, 燒肋骨加佢地D秘制醬汁,野味!!!之後慢慢食D冷盆,蟹腳,青口,同沙拉等等,其中以蟹腳為我最鍾意,鮮甜味美!!最後還覺得意猶未盡,食左一大碗既喇沙湯河便功成身退-------太飽食唔落!!!    服務方面,侍應服務態度都好好,個個都面帶笑容!!而值