牛霸小麵店 (已結業)

襯住開心星期五, 大食妹同朋友去左附近嘅牛霸小麵店食台灣野咁開心又點可以只嗌午市套餐? 當然要嗌多兩份小食加餸<秘製小茄子>大食妹嗌左份秘製小茄子小茄子又肥又有水分, 口感比較脆, 但又唔生上頭淋上甜甜嘅秘製醬汁, 再灑上肉鬆同青蔥, 味道唔錯<火爆芝士鹽酥雞>朋友就嗌左份火爆芝士鹽酥雞唔...唔知係咪天氣凍, 啲芝士一上檯就結住係隻碟度, 完全無拉絲效果雖然芝士好多, 包住曬啲雞肉, 但雞肉又瘦又唔熱, 小失望<香酥排骨滷肉便當>主食方面, 大食妹嗌左份香酥排骨滷肉便當香酥排骨幾厚切, 而且又暖又有咬口, 味道唔錯但滷肉同配菜方面就無咩誠意啦<牛三寶牛肉麵>朋友嗌左碗牛三寶牛肉麵係咁凍嘅天氣食返碗暖笠笠嘅湯麵的確唔錯, 湯底小濃, 配上彈牙嘅麵條同嫩滑嘅牛三寶都算唔錯<熱香芋奶茶>午餐可以以優惠價加配飲品, 大食妹嗌左杯熱香芋奶茶熱香芋奶茶嘅淺紫色幾靚, 但無咩香芋味