影片
更多
2010-05-05
29 瀏覽
月頭走去梨花園先食完韓國料理, 挑起我條筋, 好鬼想食韓國料理~ 今日又入到去西貢, 行完個轉, 菠蘿包未夠將我填飽, 見到周圍既泰菜好多人, 只有呢間冇人, 咦, 點解呢? 但唔理喇, 照入去試下啦, 凡事都要有第一次嘛~店鋪超細的 (但冷氣超夠冷氣, 一坐就涼哂), 只有店主同老闆娘2個人, 話說佢地2個又冇乜笑容喎, 好嚇人~ 一開個menu, 嘩! 都幾貴喎, 開始有d後悔, 但阿媽話 "咁既價錢, 實好味啦!", 噢, 咁只有2個人, 所以叫2樣野啦, 唔係會浪費食物~一叫完, 老闆娘 (依舊有點黑住面) 送上3大碟前菜, 分別有粉絲, 瓜, 同泡菜. 話說, 分量係真係多既, 唔係好慳, 唔捨得俾人個d. 而且味道非常好, 先講個泡菜. 咪睇佢顏色咁紅, 實好辣啦, 點知一入口, 呃人! 一d都唔辣 (為左遷就香港人口味?), 哈哈哈哈, 加上好爽, 酸酸既, 真係好開胃, 點食都唔夠~ 粉絲甜甜既, 而且幾煙韌 (好好咬!), 雖然好似冇乜顏色 (加上好似好油), 但出奇地美味, 意想不到! 瓜, 非常新鮮, 翠綠, 而且又爽, 重切得算係厚, 加上佢本身只有少少醃過,
店鋪超細的 (但冷氣超夠冷氣, 一坐就涼哂), 只有店主同老闆娘2個人, 話說佢地2個又冇乜笑容喎, 好嚇人~ 一開個menu, 嘩! 都幾貴喎, 開始有d後悔, 但阿媽話 "咁既價錢, 實好味啦!", 噢, 咁只有2個人, 所以叫2樣野啦, 唔係會浪費食物~
一叫完, 老闆娘 (依舊有點黑住面) 送上3大碟前菜, 分別有粉絲, 瓜, 同泡菜. 話說, 分量係真係多既, 唔係好慳, 唔捨得俾人個d. 而且味道非常好, 先講個泡菜. 咪睇佢顏色咁紅, 實好辣啦, 點知一入口, 呃人! 一d都唔辣 (為左遷就香港人口味?), 哈哈哈哈, 加上好爽, 酸酸既, 真係好開胃, 點食都唔夠~ 粉絲甜甜既, 而且幾煙韌 (好好咬!), 雖然好似冇乜顏色 (加上好似好油), 但出奇地美味, 意想不到! 瓜, 非常新鮮, 翠綠, 而且又爽, 重切得算係厚, 加上佢本身只有少少醃過, 幾清新咁, 所以又係好開胃~
未食完個前菜, 個香蔥煎餅已做好~ 我開到仲以為老闆落錯左單, 落左海鮮煎餅 (因為入面有大量既章魚!), 但之後同老闆吹水先知正宗既香蔥煎餅係除左有蔥仲要有章魚~ 噢~ 唔講唔知~ 同埋呢個煎餅唔係用蛋或面粉做架 (都係老闆講架!)~ anyways, 講返味道先. 入面有章魚 (又係好煙韌好鬼好咬口!!!), 蔥 (爽, 脆, 新鮮!), 加上甜甜既餅 (勁厚!), 咬一啖就停唔到口. 老闆將個外面煎得好香好脆, 而且成份好大份, 可以夠4個人食囉! 顏色好鮮, 金黃色, 好吸引, 煎得真係好靚! 推介!
石頭什錦飯緊接上場, 老闆見我地食緊個餅, 就默默係旁邊張台都幫我地撈好個飯~ 之後一上台, 嘩! 勁大碗, 仲要激足料, 加上料同飯既比例係岩岩好, 唔多唔少, very good. 新鮮熱辣, 有紫菜, 芽菜 (勁脆), 蛋, 蘿蔔, 等其他雜菜, 而且個鍋好熱, 所以有d焦, 更加好味! 我地食到最後, 刮唔到飯焦, 諗住放棄, 老闆見到, 就主動幫我地刮d飯焦出黎~ 哈~ 所以一滴都冇浪費到! wonderful.
由於其實都算濃味同油油地, 叫左杯凍既柚子蜜解個渴, 不過唔係好凍, 但係都幾甜, 同埋都幾多柚子, 啖啖都會咬到~ 但如果凍d就真係爽d囉~
btw, 由於我地一路食一路讚d食物 (係熱烈讚賞!!!), 所以最後老闆同老闆娘坐低同我地傾計, 得知佢地每年都回返老家韓國, 仲會由韓國帶返好多local出既食物返香港, 即係話, 佢好多食材真係來自韓國架~ 嘩~ 勁啊! 同埋佢地以前係梨花園到做過, 難怪呢到既菜式同以前既梨花園咁似~
佢咁既食物質素, 配上咁既價錢, 其實係好抵! 野食大碟好味, 餐具都好韓式架 (鐵碗鐵筷子鐵羹), 只不過係坐得較逼, 唔係好舒服. btw, 有時行過呢條街有時可能未必留意到, 所以真係有點隱世既feel.
張貼
