一龍拉麵 (已結業)

估唔到馬鞍山都有一間幾好食嘅拉麵店！雖然佢哋舖面係開放形式，坐吧枱的，但可以睇到晒廚師點樣整嘢食，都幾特別。哩間拉麵店嘅湯底係用龍蝦製成的，我同fiancé 叫咗個鰻魚拉麵同埋大蝦拉麵，另加叉燒同餃子，賣相已經唔錯，見到廚師整嘅時候好有心機！第一啖食落去，啲麵硬度適中，湯底有淡淡的龍蝦味，最欣賞係啲鰻魚同大蝦仲有叉燒都係煎過先放入個麵度，所以色香味俱全！以咁嘅價錢，有咁嘅質素，真係幾抵食！！餃子雖然望落細細隻，但係煎得外皮好脆，而且唔會太鹹，都幾好味！