平成 (已結業)

1️⃣三重芝士火山燒鰻魚丼($170):大推鍾意鰻魚既朋友仔去試。雖然價錢偏貴，但的確一分錢一分貨。鰻魚厚切得黎又大舊。鰻魚明顯係新鮮，魚肉嫩滑肥美，有彈性，少碎骨。食落香口，鰻魚軟身又鬆化，口感細嫩。最正係魚皮膠質感重，入口仲有即溶既油脂感。米飯粒粒分明，黏糯得黎又有咬口，醬汁鮮甜入口，吸晒鰻魚汁，甜甜地，好開胃。仲要配埋芝士，同成碗丼好夾，配埋飯一齊食，口感不厚重油膩，增加成碗丼既CP值，太正會再食🤤2️⃣牛肉大版燒 ($90):大版燒就食得多，用牛肉做主既大版燒的確係第一次食。大版燒燒得岩岩好，唔會過於硬身，煎得好香脆不油膩，火喉控制得好。成個大版燒以高麗菜同牛肉為主，麵粉唔多，所以食落唔會好粉。牛肉食落軟身唔會起太多斤，有嚼口不痴牙。值得讚係成個大版燒佈滿晒牛肉，絕對不偷工減料🤤掛唔知係鋪頭既招牌之一。3️⃣燒明太子五花腩 (2卷) ($110):用五花腩包住明太子，依款配搭係第一次見。明太子份量都算多，包住五花腩食，別有一番風味。個人覺得五花腩燒得耐咗少少，所以肉質偏鞋，細膩咗少少。總結，推薦鍾意食鰻魚飯既朋友仔黎試下，價錢係貴咗d但好值得食🤤 建議同朋友一齊share碗飯黎食，睇落唔大