影片
更多
2021-10-15
83 瀏覽
🍽L’amour @lamour_french_dining 上星期突然有興致去法國餐廳食嘢儀式感一下，我哋就揀咗位於太和嘅呢間L’amour。以為去到北區嘅小店應該會冇咩人，點知發現就算閒日唔book位嘅話真係會食唔到！店舖嘅空間唔算大，枱同枱之間嘅距離比較少，但係勝在呢度嘅私隱度高，即使係地舖都唔會比出邊行過嘅行人見到，而且呢度入門口嘅時候仲要撳鐘，確保唔會太多人喺度出出入入～🤍Set dinner~傳統法式鵝肝牛柳($480)一份set dinner係會包埋餐湯、前菜同埋甜品，飲品係需要另外再叫嘅。一場嚟到食法國菜，當然唔少得鵝肝牛柳！首先係嚟到嘅時候已經覺得佢嘅賣相相當吸引，一大片鵝肝放喺牛柳嘅上面，方便一切嘅時候一啖可以食晒兩樣嘢，而且仲有啲乾花伴碟，望到都已經心心眼😍味道方面我哋叫咗牛柳要七成熟，因為唔想太多血水，竟然七成熟都比我想像中腍身同埋易入口，而牛柳嘅大小同埋厚薄度我都覺得恰到好處～🤍Beauty and the Beast (+$48)甜品方面我哋就揀咗呢款「美女與野獸」，叫之前因為餐牌冇相嘅緣故所以其實我哋都完全唔知係乜嘢嚟，抱住好奇嘅心態同埋諗住加得錢應該唔會
上星期突然有興致去法國餐廳食嘢儀式感一下，我哋就揀咗位於太和嘅呢間L’amour。以為去到北區嘅小店應該會冇咩人，點知發現就算閒日唔book位嘅話真係會食唔到！
店舖嘅空間唔算大，枱同枱之間嘅距離比較少，但係勝在呢度嘅私隱度高，即使係地舖都唔會比出邊行過嘅行人見到，而且呢度入門口嘅時候仲要撳鐘，確保唔會太多人喺度出出入入～
🤍Set dinner~傳統法式鵝肝牛柳($480)
一份set dinner係會包埋餐湯、前菜同埋甜品，飲品係需要另外再叫嘅。一場嚟到食法國菜，當然唔少得鵝肝牛柳！首先係嚟到嘅時候已經覺得佢嘅賣相相當吸引，一大片鵝肝放喺牛柳嘅上面，方便一切嘅時候一啖可以食晒兩樣嘢，而且仲有啲乾花伴碟，望到都已經心心眼😍味道方面我哋叫咗牛柳要七成熟，因為唔想太多血水，竟然七成熟都比我想像中腍身同埋易入口，而牛柳嘅大小同埋厚薄度我都覺得恰到好處～
🤍Beauty and the Beast (+$48)
甜品方面我哋就揀咗呢款「美女與野獸」，叫之前因為餐牌冇相嘅緣故所以其實我哋都完全唔知係乜嘢嚟，抱住好奇嘅心態同埋諗住加得錢應該唔會差得去邊就叫左。呢間餐廳除咗法國菜出名之外，仲加入左部份嘅分子料理，呢個甜品就係其中一種！佢之所以叫美女與野獸就係因為佢用玻璃蓋蓋住一朵玫瑰花，就好似美女與野獸入面嘅畫面一樣，打開玻璃蓋時，裏面嘅白煙會跟住飄出嚟，相當吸睛😚味道方面玫瑰花係一啲粉粉地狀嘅質感，帶少少紅豆味。
🤍香煎北海道帶子黑松露薏米飯（$198）
望落去似係risotto以為冇咩驚喜，先發覺原來佢哋係粒粒分明，而且有啲咬口嘅薏米，對於食開意大利飯嘅我哋感覺相當新鮮！帶子嘅size都相對地大粒，而且黑松露份量雖然唔多，但係仍然夠香～值得一提嘅係呢個飯入面加咗西芹粒，味道較為多變，要注意一下！
嚟到食法國嘢，一坐就起碼兩個鐘，我哋都叫咗mocktail同cocktail 小酌一杯~
🤍Bubble Bee ($82)
🤍Mojito ($92)
💰人均消費：約$500
📍大埔太和路15號太和中心地下38號舖
張貼
