影片
更多
2021-10-14
38 瀏覽
#minion新蒲崗今次搵到一間隱世嘅日式餐廳💛 喺黃大仙站行過嚟10分鐘左右。店舖嘅間隔都幾新鮮，一入門有立食位置，好似得好靚好有氣氛👍🏻 仲放咗一啲新鮮嘅刺身同埋生蠔🦪俾客人揀，海膽同埋生蠔都係跟季節性，當日去到就只有加拿大海膽，希望下次可以試到日本嘅海膽啦🥺三文魚大蝦帶子丼 配沙律 海鮮湯 💰88 (好味道: 💛💛💛💛)定食套餐好抵食❗️全日都會包埋沙律同埋海鮮湯，湯入面除咗海帶之外仲有兩粒蜆~ 幾款刺身都好鮮甜，食得出好新鮮，同埋四片三文魚都係厚切，超級正😆😆牛肉濃湯鍋 💰88 加烏冬+$10 (好味道: 💛💛💛💛)呢個鍋我由頭食到落尾😂 因為入面真係好多料，同埋食到全身暖粒粒好正😶🌫️ 個烏冬係放埋落個湯入面煮，好入味，同埋原來入面本身係有粉絲，變咗兩種口感✌🏻 倍化帶子吞海膽 💰88 (好味道: 💛💛💛💛)呢個帶子海膽好似係呢度嘅招牌菜式~ 當然要試吓啦！外貌真係十分出色，平時出面未試過識到咁大隻帶子🤩 一啲雪味都冇，配埋鮮甜嘅海膽，簡直係好似食咗個海入口咁🤣🤣生蠔 🦪 左至右 (好味道: 💛💛💛💛)仙鳳趾: 重金屬味，creamy日本厚岸: 厚肉，creamy，鮮甜法國G
今次搵到一間隱世嘅日式餐廳💛 喺黃大仙站行過嚟10分鐘左右。店舖嘅間隔都幾新鮮，一入門有立食位置，好似得好靚好有氣氛👍🏻 仲放咗一啲新鮮嘅刺身同埋生蠔🦪俾客人揀，海膽同埋生蠔都係跟季節性，當日去到就只有加拿大海膽，希望下次可以試到日本嘅海膽啦🥺
三文魚大蝦帶子丼 配沙律 海鮮湯 💰88
(好味道: 💛💛💛💛)
定食套餐好抵食❗️全日都會包埋沙律同埋海鮮湯，湯入面除咗海帶之外仲有兩粒蜆~ 幾款刺身都好鮮甜，食得出好新鮮，同埋四片三文魚都係厚切，超級正😆😆
牛肉濃湯鍋 💰88 加烏冬+$10
(好味道: 💛💛💛💛)
呢個鍋我由頭食到落尾😂 因為入面真係好多料，同埋食到全身暖粒粒好正😶🌫️ 個烏冬係放埋落個湯入面煮，好入味，同埋原來入面本身係有粉絲，變咗兩種口感✌🏻
倍化帶子吞海膽 💰88
(好味道: 💛💛💛💛)
呢個帶子海膽好似係呢度嘅招牌菜式~ 當然要試吓啦！外貌真係十分出色，平時出面未試過識到咁大隻帶子🤩 一啲雪味都冇，配埋鮮甜嘅海膽，簡直係好似食咗個海入口咁🤣🤣
生蠔 🦪 左至右 (好味道: 💛💛💛💛)
仙鳳趾: 重金屬味，creamy
日本厚岸: 厚肉，creamy，鮮甜
法國Gillardeau: 爽口，清甜
本身我哋係跟住Menu嚟叫左幾款生蠔，但係店員同我哋講話而家嘅生蠔同Menu唔同，所以就推介左幾款現有嘅俾我哋~ 同埋佢哋係即開的，保證新鮮👍🏻👍🏻
蒜蓉燒茄子🍆 💰28
(好味道: 💛💛💛💛)
比我想像中大碟，係去咗皮嘅茄子，加埋柴魚片又幾夾👀 如果想食得重味啲，可以自行加七味粉
照燒魷魚筒 💰78
(好味道: 💛💛💛💛)
通常黎到日式店都忍唔住叫返個燒魷魚🦑😂 呢度嘅魷魚鬚位燒得勁香🤤🤤 彈牙有咬口又入味👍🏻
墨魚咀 💰18
(好味道: 💛💛💛)
其實啲墨魚咀粒燒得恰到好處的，一啲都唔韌，但係就冇任何調味料，唯有點一下燒魷魚汁啦🤣
鹽燒牛舌 💰28
(好味道: 💛💛💛💛)
牛舌有驚喜，雖然幾厚身，但係一啲都唔韌，口感爽脆！
火雞腎串 💰28
(好味道: 💛💛💛)
雞腎燒得好香脆👌🏻 配埋檸檬汁一啲都唔油膩
人均消費: 💰308 (已加一)
環境:💛💛💛💛
服務:💛💛💛💛
推薦:💛💛💛💛
🍽 餐廳: 海膽仔
📍地址: 新蒲崗衍慶街2-32號新蒲崗大廈地下Q號舖
張貼
