食之劇場餐廳 (已結業)

今日lunch食西貢這間WA Theater Restaurant , 一個字形容:Fantastic, 美絕嘅景觀、 舒適有格調嘅裝修、 高質又有心機美食， 可以在這家餐廳全部感受到、享受到，掂!這間餐廳位於西貢白沙灣碼頭, 對出是無敵大海景， 未進餐已經大好心情，心曠神怡之feeling, 在這裏絕對不是奢侈。Lunch Set 分別order要兩款不同， 鰻丼和石野百味噌燒定食，估唔到價錢又唔贵喎，前菜、 沙律、主菜和甜品，都係HK$320和HK$380, 咁高級嘅餐廳，低食。野菜沙律加了柚子醋，味道酸酸甜甜， 新鮮嘅沙律菜，健康醒神。南瓜木魚絲漬物，鮮甜，口感軟淋。石野百味噌燒是醬汁燒山雞扒，約8成以上熟，有口感，味道足，加上自家醬汁，送白飯一流。鰻魚飯非常正，我食過不同餐廳出品嘅鰻魚飯，這間係最有特色，也是最入味。 師傅話鰻魚醬汁是自己秘製的， 加上原條鰻魚事先浸過一段時間才拿出嚟燒，肉質極入味，口感好香滑，好好食。甜品是自家製芒果雪糕， 清新嘅芒果，軟滑口感，正！整體而言，這間餐廳無論觀景、裝修和美食， 都值很高分。 加上這裏的大廚用心製作， 絕對可以食完再食，下次再幫襯。