S2 鐵板燒 (已結業)

上星期本來朋友約食飯，但因為我病咗，要搞到今個星期先可以出嚟，其實目的係有一個，就係要慶祝朋友升職。無論如何今晚要食豪啲，要好食嘅，價錢唔係問題，最緊要係食物要有水準。之前睇雜誌介紹過佐敦偉晴街，有間食鐵板燒，好食得來價錢唔算貴而且食物嘅質素都高同新鮮，所以今日就來試吓啦！餐廳門口似間居酒屋🏮，推門入去，就見到大廚喺吧枱側邊燒緊嘢食。 感覺好似去咗日本居酒屋。睇吓有乜嘢食先。。。今晚一於食好啲！今日我叫咗海膽焗原隻龍蝦北海道帆立貝海鮮套餐 $780然後我叫咗一個海膽杯，呢個係新嘅食品，梗係要試一試佢啦 $398再嚟一個鐵板牛舌 $108要講下杯先，杯茶好特別，有粒青檸響個杯入邊，原來係青檸人蔘茶。。。又幾特別喎！係咪因為鐵板燒熱氣，所以老細特登整杯咁嘅茶比顧客呢？真係細心。。。係時候講下啲嘢食啦。。。三點刺身今日嘅刺身係三文魚，北寄貝，同牡丹蝦。好新鮮，牡丹蝦超大隻，有水準。煙燻鴨胸沙律盛合杯鴨胸好好味，加埋沙律食，好有新鮮感。海膽杯呢個要介紹下先，呢個海膽杯有10層海膽好肥美，每層都疊住唔同嘅食物。。。包括有北海道海膽，沖繩海葡萄，三文魚子， 白蝦，松葉蟹肉，藍鯨吞拿拖羅蓉，最頂果塊