影片
更多
2023-02-26
23 瀏覽
平時間唔中都會去佐敦廟街附近行吓，前排行過被一個路牌吸引，原來樓上有間地中海菜，我同朋友都未食過，所以決定去試吓。一上到去個環境好decent，有私房菜嘅感覺，我哋準備安排咗坐喺窗邊嘅位置，勁大玻璃窗好開揚。由於第一次食地中海菜，所以店員好好人同我哋推薦嘢食。我哋前菜叫咗黑椒鵝肝醬凍派配法式多土（$128）， 個鵝肝醬真係好味到癲，就算唔食內臟嘅人都一定會鍾意，揸埋落多士一啖食完全係Perfect match。另外叫咗一個芝士set（$88），食落好輕身唔會太膩，個餐包都好脆。小食就叫咗蒜香蛋黃醬配炸魷魚（$88），不過不失。食地中海菜梗係要嗌西班牙海鮮飯（$218），新鮮上枱分量好足，啲飯好香仲有少少飯焦添，仲有四隻大蝦同埋青口，配埋檸檬汁真係唔食到唔想停。最後甜品試咗兩款，焦糖皮塔餅配巧克力醬和泡芙奶油（$68）同埋蘋果撻配希臘乳酪雪糕（$68），個脆餅偏甜，食嘅時候搽多啲cream入口會好啲，蘋果撻幾好味。總結來講，第一次食地中海菜好滿意！
一上到去個環境好decent，有私房菜嘅感覺，我哋準備安排咗坐喺窗邊嘅位置，勁大玻璃窗好開揚。
由於第一次食地中海菜，所以店員好好人同我哋推薦嘢食。我哋前菜叫咗黑椒鵝肝醬凍派配法式多土（$128）， 個鵝肝醬真係好味到癲，就算唔食內臟嘅人都一定會鍾意，揸埋落多士一啖食完全係Perfect match。另外叫咗一個芝士set（$88），食落好輕身唔會太膩，個餐包都好脆。
小食就叫咗蒜香蛋黃醬配炸魷魚（$88），不過不失。
食地中海菜梗係要嗌西班牙海鮮飯（$218），新鮮上枱分量好足，啲飯好香仲有少少飯焦添，仲有四隻大蝦同埋青口，配埋檸檬汁真係唔食到唔想停。
最後甜品試咗兩款，焦糖皮塔餅配巧克力醬和泡芙奶油（$68）同埋蘋果撻配希臘乳酪雪糕（$68），個脆餅偏甜，食嘅時候搽多啲cream入口會好啲，蘋果撻幾好味。
總結來講，第一次食地中海菜好滿意！
張貼
