悠 定食屋 (已結業)

這間食店位於體育館肉，外面都無招牌，如果唔係朋友帶，都唔識去。佢哋主打日式食品，主要係熟食，並非刺身壽司，所以如果有屋企人唔食生嘢又想食日式就最啱。朋友叫左燒牛肉、我叫左燒花魚，兩款都可以加錢轉定食，定食有湯、沙律、酸薑、白飯。另外我哋叫左兩隻燒蠔當係小食。燒蠔有三款配料選擇，我哋選了明太子，超好食。花魚燒得好好，外面望雖然有啲乾，但入面仲好嫩，而且食得出佢係用靚嘅食材，唔腥又有魚味。白飯上要仲有芝麻紫菜，好細心。