吃吧 (僑建大廈) (已結業)

用隱神美食黎形容這家餐廳確實沒有誇大及過火，在旺角區商業位置，沒有大多既招牌廣告介紹，入口算係難搵，一啲都唔起眼，如非朋友介紹我應該試唔到這間-吃吧!今日一行四人黎，一早訂好晒位，算係幾經波折黎到，餐廳人山人海。經店長推薦下點咗三款前菜及三款主菜，非常期待，而餐廳內有好多酒類飲品係我從未見過，最終我選擇咗一款威士忌味既apple cider。呢款酒好適合女仔飲，甜味不會太重，而入口after taste帶有微微既威士忌香味，酒精感覺入口不會太濃烈，加冰飲達到更佳效果。第一個前菜。 一人有一件唔洗爭，包入面充滿暖暖既芝士，而且又不會太咸，而沙律配菜也好新鮮香脆既炸雞帶有一點點微辣，食落特別醒胃，而表層炸到脆卜卜，內裏雞肉軟滑!巴馬火腿配哈密瓜這個是大家都必定認識既配搭，但要做到好味必須要哈密瓜夠甜，呢個哈密瓜真係甜到漏，所以吃落口感特別正。呢款慢煮牛柳，望落平平無奇，但泡沫竟然係黑松露認真驚喜，而慢煮既牛柳剛好完美5成熟，所以鎖住肉汁，而燒蒜頭也是我最愛。西班牙豬肋骨，這個豬肋肉調味剛好，帶有酸酸甜甜既口感，而且好易入口，輕輕一切就可以完全骨肉分離，但又不失豬肋骨既口感，是我最愛既菜式。