御千丼 (已結業)

大埔啲巷仔原來都有幾多隱世嘅餐廳，知道有一間日本料理小店-御千丼在翠樂街，一直都好想試吓，今晚有機會了！小店的佈置裝修很日式，門口貼滿食物的圖片，非常吸引，而且五點前離座及外賣自取滿$300 仲有八五折優惠，下次試吓外賣返去比屋企人試吓！餐牌好大張有兩版，圖片色彩繽紛，吸引左我仔細去睇，特別係丼飯，好吸引呀！先叫了三文魚腩刺身，刺身一份有五片，魚的條紋非常平均，食落去有口感，味道都幾新鮮。還有大大件的甜蝦壽司🍣。最後在眾多丼飯中揀選了吞拿魚碎丼，滿滿的吞拿魚茸鋪滿丼飯面頭，還有一些蔥花等配菜點綴，當然是相機食先。每一啖飯Mix一啲吞拿魚茸一齊食，簡直有入口即溶的口感，質感軟綿綿，加埋豉油Wasabi，更加滋味。朋友就叫了咖喱豬軟骨便當🍱，當中包含一碗暖胃的麵豉湯，他也大贊好吃！小食蒜香一口牛，賣相很吸引，每一件都有濃郁的牛味道，肉質鮮嫩，加埋蒜粒一齊食好正！最後二人的晚餐只是$300左右就可以食到咁飽肚，最重要係食物新鮮，即叫即整，一定會再encore。