悠 定食屋 (已結業)

今日經過柴灣想嘆番個下午茶，今次嚟到呢間日式餐廳個地點比較特別，冇諗過呢間餐廳竟然係位於柴灣體育館嘅一樓，都係經美食地圖app先搵到~上到嚟下午茶時段唔多人，環境亦都好舒服寧靜，真係冇諗過體育館入面有一個環境舒適嘅餐廳😆 今次我嗌咗佢哋嘅炭燒雞扒輕怡丼再加佢哋嘅熱咖啡，飯嘅面頭放滿咗紫菜同埋玉子絲，最啱撈埋啲飯食，賣相同味道都唔錯😁 佢哋嘅咖啡都係即磨嘅，所以嚟到一定要試下☕佢哋嘅裝修係以動漫為主嘅，鍾意動漫嘅朋友一定會搵到你認識嘅人物😆絕對係下午茶上嚟坐下休息下嘅好地方👍