影片
更多
2023-03-21
279 瀏覽
🍽La BASE HK (尖沙咀)📍尖沙咀漆咸道南11-15號余仁生中心3樓近排想同朋友一齊食飯又想陪下狗仔，發現原來香港唔係好多狗狗友善餐廳。🐶上網一search見到呢一間，又近市區，又可以帶狗，即刻就訂位試吓！意外地發現，呢間餐廳都幾高質，即刻分享下。💕1.有機田園沙律 🥗佢地既蔬菜大部份都採用有機，所以沙律菜特別新鮮鮮甜。沙律菜裡面有車厘茄，芒果，無花果再配埋黑醋 ，酸酸甜甜，十分醒胃。2.意式烤本地農場走地雞配有機機菜🐔佢地出名只採用全天然無激素既肉，十分健康，令人安心食用。本地農場走地雞烤出黎特別重雞既味道，廚師將烤雞嘅外皮烤得十分皮脆金黃。烤雞內既肉質鮮嫩多汁，味道剛剛好，有淡淡自家種殖既迷迭香既味道，不會過鹹而且帶有雞油既香味，喺一道必食嘅菜式。3.傳統卡邦尼意粉🍝白汁好香煙肉同埋蒜嘅味道，而且份量好多，每一條意粉都有掛汁，口感柔滑豐盈，伴隨而至嘅係淡淡既芝士同忌廉味道，令人食唔停口。4.傳統提拉米蘇🍰佢嘅提拉米蘇絕對值得推薦，好重奶油味，有淡淡的咖啡味道，食落去口感鬆軟，仲有士多啤梨做陪襯，絕對係令人迷上呢一種甜品。5.法式焦糖燉蛋🍮燉蛋好重雞蛋嘅香味，出邊有一層薄薄嘅
📍尖沙咀漆咸道南11-15號余仁生中心3樓
近排想同朋友一齊食飯又想陪下狗仔，發現原來香港唔係好多狗狗友善餐廳。🐶上網一search見到呢一間，又近市區，又可以帶狗，即刻就訂位試吓！意外地發現，呢間餐廳都幾高質，即刻分享下。💕
1.有機田園沙律 🥗
佢地既蔬菜大部份都採用有機，所以沙律菜特別新鮮鮮甜。沙律菜裡面有車厘茄，芒果，無花果再配埋黑醋 ，酸酸甜甜，十分醒胃。
2.意式烤本地農場走地雞配有機機菜🐔
佢地出名只採用全天然無激素既肉，十分健康，令人安心食用。本地農場走地雞烤出黎特別重雞既味道，廚師將烤雞嘅外皮烤得十分皮脆金黃。烤雞內既肉質鮮嫩多汁，味道剛剛好，有淡淡自家種殖既迷迭香既味道，不會過鹹而且帶有雞油既香味，喺一道必食嘅菜式。
3.傳統卡邦尼意粉🍝
白汁好香煙肉同埋蒜嘅味道，而且份量好多，每一條意粉都有掛汁，口感柔滑豐盈，伴隨而至嘅係淡淡既芝士同忌廉味道，令人食唔停口。
4.傳統提拉米蘇🍰
佢嘅提拉米蘇絕對值得推薦，好重奶油味，有淡淡的咖啡味道，食落去口感鬆軟，仲有士多啤梨做陪襯，絕對係令人迷上呢一種甜品。
5.法式焦糖燉蛋🍮
燉蛋好重雞蛋嘅香味，出邊有一層薄薄嘅焦糖，上面仲有一粒好新鮮嘅士多啤梨，呢個配搭真係一流。
6.Mongkok 🍊
呢一杯特色飲品，好濃香橙味，酸酸甜甜，最岩飯前飯後飲一杯，食飯前飲又開胃，食飯後飲又消滯。
💙P.S. 呢一間狗狗友善餐廳真係好出色，環境舒適，打卡一流，靜靜地又可以傾吓計。佢地服務殷勤，而且佢哋對食材都好有要求！餐廳只採用全天然無激素肉，而且蔬菜大部份係有機，就連香草都自家種殖，真係超級有心，我哋都食得安心又健康。佢哋餐廳地方好大，真係好啱舉辦一啲派對同埋聚會，下次帶埋啲朋友一齊黎食先。
張貼
