青藏牛肉麵 (已結業)

呢間鋪竟然冇食評?? 我每次黎都滿哂人, 仲要好似人地cafe 咁坐到出面位都爭住要坐。不過, 講真唔係朋友有帶我黎, 都真係唔知呢到有野食...同埋咁好食!你問係北角住同做野既人, 好多都知呢個地方, 而且好多人都唔只食過一次。 佢既位置係以前王記糖水, 再行入條巷仔, 行到中間就見到架啦! 以前係間小鋪, 呢家大左一倍, 可想言之, 佢既捧場客有幾多。 今次, 一行兩人趕係佢lunch break完之前黎食個lunch。地方簡單, 而且我發現黎既人, 都好一個人既客, 一碗麵, 一串串燒, 食完就滿足咁走人~我第一時間叫左個燒翠玉瓜同蒜泥燒矮瓜, 因為需時~ 太多人叫串燒你早d order 快d有得食!!先黎左個翠玉瓜加上少少既海鹽, 味道真係一流! 好清甜, 好香, 好好味!!! 再黎就係我碗麵, 牛肉冇之前個次咁好食, 不過個湯都仲係好濃。我就係佢地自己整既麵~ 厚厚地好有口感~ 本身唔太食"青"既我, 都幾欣賞落左青個種既層次~ 我個蒜泥燒矮瓜黎啦!!我見好多人都有叫, 佢上面既蒜好新鮮, 而且好厚, 稍稍多左d油...不過真係每一次放佢落口都不敢"mmmm" 一聲~ 好味!